حبيبتي عدم ارتياحك انتي واهلك طبيعي بسبب تصرفاته
وبصراحة واضح إن أهله متحكمين فيه عالأقل خلوها مرة وحدة ملكة ومنها يشوفوكي
ماأدري والله ماأبغى أظلمك بس حتى أنا ماارتحت لهم من خلال كلامك
لكن بالنسبة للمهر يمكن يكون كثير عليه عشان كذا اعترض
لكن بقولك مادام أهله وأخواته مثل ماتقولين لا تسكني عندهم أبدا أبدا
فكري الله يرضى عليكي واستخيري رب العالمين بإنك مو مرتاحة وبتبطلين وشوفي
بعد مشورة أهلك اش بيصير لو ربي مو رايد لك خير بتتفركش لوحدها
مو عيب إنك مطلقة ياعسل وحتى لو كم مرة وعمرك مو كبيرة كثير لا تشيلي هم
ادعي دايما إن الله يرزقك الرجل الصالح اللي يخاف الله فيكي
اسمحي لي يمكن في العمل يمدحوه ويطلعوه السما لكن مايعرفوه بره وفي البيت كيف
أو يكونوا أصدقاءه وما يذكروا عيوبه ............والله صارت كثير وحدة قريبة لنا مدحوا فيه اللي في العمل
وقالوا كلام شي عنه وطيب وأخلاق
وبعد مااتزوجته طلعت بلاويه لا يصلي ولا يحترم أهلها وطول لسانه على أمها وأبوها غير كذا بهذل حياتها
أنا ماأقولك لا تسألوا .....اسألوا عنه حتى في الحي اللي ساكنين فيه ويروح المسجد ولا لأ
أهل الحي والجيران اللي حولهم ....لا تتسرعوا أبدا
وإن كان مستعجل بكيفه خلي أبوك يرد عليه احنا لسه ماقررنا وانتظر
لا توروه إنكم ماحسبته فيه ياقلبي انتبهي ...........هاذي حياة وعشرة عمر لا ترمي نفسك
انتي ببيت أهلك معززة ومكرمة
الله يريد لك مافيه الخير ويبعده عنك إن كان ماله خير فيك
لا تنسي الإستخارة ومشورة الأهل والله يوفقك
تحيـــــــــــــــــــــــــــاتي