أختي أنا برأيي الحل المثالي لوضعك انك تبحثي عن عمل يشغل وقت فراغك كله
صحيح انه لسا ما عدلتي شهادتك لكن بامكانك تعملي عمل أقل من مستواكي العلمي
معلش في مثل انكليزي بقول
(حتى توصلي للشحرة انتي بدك ياها لازم تنزلي من الشجرة اللي انتي فيها على الأرض كي تتمكني من الصعود للشجرة الأخرى)
الشجرة الأولى هي شهادتك العلمية في وطنك .. الشجرة التانية شهادتك نفسها في البلد الأجنبي
يعني بمعنى آخر ممكن لو تخصصك متل ما قلتي قريب من الطب انك تشتغلي كمساعد صيدلي ريثما يجي 2010 و تكملي دراستك و تعدلي شهادتك
هذا الشي اللي نصحوني فيه كتير ناس لما كنت أشعر بملل فظيع و حالة متل حالتك في بداية زواجي
ما جربته لأني انشغلت بعدها بالانجاب عقبالك يا رب
حاولي أبداً ما تتخيلي حياة أهلك في وظنهم و لا تقارنيها بحياتك
لأني شعورك لما تشوفي تسمعي انه أهلك مع بعض مجتمعين و انتي لأ شعور قاتل مجربته كتيييييييير
و حاولي كل فترة تنزلي زيارة لأهلك انتي و زوجك
لكن حرام لا تتركيه
إلا اذا سمحلك بزيارة قصيرة ممكن
انا رحت عند أهلي بدون زوجي مشان احضر زفاف أختي (توأمي ) و زوجي كان مشغول و مو قادر يترك شغله
لكن ما بتصدقي كم بكيت لما كنت اتخيل حياته وحده في البيت يجي من الشغل مافي مين يعمله أكل
وحدة قاتلة
يعني مضاعف 1000 مرة عن شعورك انتي الآن مع زوجك
كان فراقنا صعـــــــب و بقيت شهر بدونه كان يومياً يحكي معي و يطلب صور لأهله و فيديو
كنت حس اني أنا لما رحت كنت بقتل زوجي باليوم مية مرة بسبب هالغياب
و كل يوم اسأله ارجع يقلي لأ خليكي أنا ناوي الحقك انا كمان اشتقت لأهلي
آه من الغربة
فتقتي جروحاتي و الله
لكن الحمد لله على كل حال
حالنا أفضل على الأقل من المحرومين من الاكل و الشرب
أفضل من السجين المحروم شوفة أهله و ابنه و زوجته و قاعد بتعذب
الحمد لله ألف الحمد لله
خليكي عم تستشعري النعم صدقيني طريقة حلوة كتير لطرد التشاؤم
بالتوفيق
__________________
.
.
استودعتك أهلي في سوريا يا من لا تضيع ودائعه
التعديل الأخير تم بواسطة ماريا ; 03-03-2009 الساعة 11:31 PM