انا بصراحة بعشق العطووور .. مايمر شهر من دون ما اشتري عطر او عطرين
حسب خبرتي في العطورات .. تختلف اذواق الناس في العطور
عن نفسي .. ما احب عطر شيخ .. ولا احب عطر كريد .. و خاصة كريد لان ريحته تذكرني في عطر اسمه فزاع .. نفس الريحة بالضبط .. وكأن ريحة عواجيز
تختلف الاذواق من شخص إلى اخر لكن بقولك عن العطورات الي ممكن تعجبك
عندك عطر توم فورد بلاك اوركيد ( الاسود ) الي موجود بالصورة.. فواح جدا وريحته تستمر .. وريحته مميزه جدا .. وسعره فيه ..
عندك عطر قديم الي لونه كروم الي اسمه جارسون ..عطر مميز وريحته قوية وكثير بنات بيستعملوه كمان
عندك عطر سي كي .. المركز .. ايضا يتميز برائحة جميلة .. بس ما اظن تستمر ريحته مع انه مركز
عندك عطر ديور ريحته نفس الخشب .. او الصندل .. بس تعجب البعض
عندك عطر دانهيل الاحمر .. روووعة واحس البنات يحبونه كمان
عندك العطر الذهبي الي على شكل سبيكة ذهب .. جديد اسمه ون مليون .. عطر سبايسي و جميل جدا .. ورقم واحد في اوروبا
وفي عطر شانيل بلاتينيوم .. ايضا سبايسي وريحته مميزه
ام سفن .. عطر قديم .قوي .. كأن خليط بعطر عربي مع فرنسي
عطر بولجاري .. اكوا رهيييييييييييب وصيفي ويتم على الملابس
شوف اول عطر على ايدك اليسار .. هالعطر اسمه جلارين .. مركز جدا وريحته خطيرة صراحة .. خاصة حق الثوب
هذا جزء من عطوراتي الي املكها
واذا اتحب العطر يستمر لفترة اطول عليك وتكون فواحة
رش العطر مباشرة على الجلد .. والبس الثوب وتبخر ... وبعدها رش العطر على الثوب
لان البخور او العود المعطر يمسك رائحة العطر مايخليها تتبخر
تحياتي
__________________
متى زرت والدك آخر مرة ؟
التعديل الأخير تم بواسطة sunshine545 ; 04-03-2009 الساعة 01:57 AM
السبب: تعديل وطمس رابط الصورة