اهلا وسهلا يا حبيبتي والله القاهره هتنور
اما بالنسبه للهيلتون اخواتي اتفضلوا وجاوبو مكاني لكن انا ممكن افيدك في بعض المنتزهات
شوفي يا حبيبتي بالنهار ممكن تروحي الاهرامات طبعا وكمان في حديقة الحيوانات في الجيزه وفي ايضا في الجيزه مكان اسمه القريه الفرعونيه حلوه جدا ودمها خفيف وفي برج القاهره طبعا تشوفي القاهره من فوق
وممكن لو عايزه تتسوقي تنزلي وسط البلد فيها محلات كثيره حلوه جدا وفي اكتر من شارع
وممكن كمان تروحي قلعة صلاح الدين اللي فيها جامع محمد علي طبعا القلعه روعه جدا وفيها اماكن حلوه جدا وممكن تروحي تصلي في الحسين وتروحي خان الخليلي
ويوجد ايضا مكان مشهور ولطيف جدا ولكن هذا في مدينة نصر بجانب دار الافتاء المصريه لكن ان شاء الله يعجبك وهو حديقة الأزهر فهي حديقه اكثر من رائعه فيها مطاعم على بحيرات وفيها حدائق روعه وكافيتيريات فوق جبل يعني تقعدي في الكافيه وتشوفي البلد من فوق
وممكن تزوري المتحف المصري لانه قريب من الفندق
اما بالليل انصحك انك تروحي اما في نزهه نيليه او تقعدي على كافيه على النيل فالمنظر يكون رومانسي جدا جدا
حبيبتي اهلا بيكي اتمنى ان اكون أفدتك
ولكن نصيحه مني الجو فعلا بااااااااااااااارد اعملي حسابك في الملابس الثقيله ولكن يا رب لما توصلي مصر الجو يكون لطيف
ولا تقلقي اكيد في كل فندق بيكون فيه دليل لاهم الاماكن السياحيه في البلد
__________________
( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))