شيء طبيعي وفي كل البيوت

حتى اللي تجلس في بيتها يصير أحد عندها يهتم بغذائها ويساعدها

لأنها بتكون تعبانه والطفل نومه مو مرتب ما بيفرق بين ليل ولا نهار وبتصير هي فوق إجهاد الولادة والآم الغرز - حتى في الولادة الطبيعية - ما تقدر تنام زين

فلازم يكون عندها أحد ولازم ما تشيل شيء ثقيل وتتغذى زين عشى ترجع صحتها ويلتأم جرحها

هذا غير الرضاعة تحتاج لهاالراحة الجسمية والراحة النفسية والغذاء الجيد

وانت بتصير مداوم يعني نص النهار مو عندها إلا كانك بتآخذ إجازة 40 يوم

وبعدين في هذه الفترة بيكون دم النفاس موجود يعني ما تقدر تسوي معاها شيء

فبالعكس تصير قدامك في البيت بشتاق لها أكثر

يعني لو تزورها في بيت خالتها عادي جدا تسلم عليها وعلى المولود

بتفرح هي بزيارتك لها

وحاول إنك تحتسب الأجر لأن هذه الفتره كبيرة على بعض الرجال لكن دم النفاس أمر الله

واشغل نفسك بدورات رياضية ولا أي شيء عشان تملأ يومك بعد ما ترجع من الدوام

أيام وبتطير بسرعة بإذن الله

حاول تغير في البيت مثلا مفرش سرير جديد ولا شيء

عشان تبسط زوجتك وقت عودتها للبيت

وهي أكيد بتصير مشتاقة لك كثير

الله يبارك لكم ويحفظكم من الشر
بالتوفيق