طولي بالك يا حبيبتي
في كتير بنات متلك و أنا وحدة منن تغربت عن أهلي و هلأ قاعدة بين أربع حيطان و متل ما قلتي أنه الواحد بيمرق عليه اليوم كله و ما بيحكي غير كم كلمة
صدقي أحيانا بقعد بحكي مع حالي مشان أسمع صوتي و ما أنسى الحكي
رغم أنه غربتي كلها على بعضها ما صرلها 3 شهور بس حاسة كأنه صرلي سنة
بس شو بدنا نساوي !!!
بدنا نتأقلم مع وضعنا الجديد و نسلي حالنا بأمور يمكن من قبل ما كانت تعنيلنا شي
يعني أنا ما كنت حب دخلة المطبخ و لا الطبخ
بس هلأ صرت شوفها متعة
و من قبل ما كنت تابع تلفزيون كتير
بس هلأ عم شوف أنه التلفزيون عم يعبي وقت فراغي
إن شاء الله عما قريب الله بيرزقني و بيرزقك الأولاد و بيعبوا علينا البيت
و وقتها ما راح نحس باليوم كيف عم يمرق و نحن على أخد و رد مع هالأولاد

بس نصيحتي لإلك لا تتركي زوجك بالغربة لحاله و أنت تنزلي على بلدك متل ما عم بتفكري لأن هو بحاجة لإلك
يعني متل ما قلتي أنه هو عم بخفف عنك مآسي الغربة و أنت كمان عم بتخففي عنه مآسي الغربة و تنيناتكن بالهوا سوا .... و الأكيد أنه صعبة على زوجك يشعر بفراقك و بعدك عنه بعد ما عاش وجودك جنبه و معه بالبيت
و الله يصبرك و يصبرني على ألم الغربة و عذابها