والله يا قلبي انا مقدرة احاسيسك ومشاعرك
وعارفة قد ايه انتي حاسة بالظلم
انا عارفة ان اهل الزوج دايما التعامل معاهم بيبقي حساس
لكن يا حبيبتي انتي ليكي زوجك بس انتي مش هتشوفيهم غير كل فين وفين
هوه طبيعة الازواج كلهم كده ما يحبوش زوجاتهم تقول حاجة علي اهلهم حتي لو الاهل دول غلطانين وسبب المشاكل
المهم دلوقتي علاقتك بزوجك لازم توضحي له موقفك زي ما قلتلك
علشان يعرف قد ايه انتي باقيه عليه برغم كل اللي حصل
وبعد كده لازم تتفاهموا وتحطوا حد لتدخل اهله في حياتكم
حبيبتي ارسلي لزوجك الرساله وما تستنيش اكتر من كده
طلعي فيها كل اللي جواكي
بكده يبقي انتي رميتي الكرة في ملعبه
وتستني منه بقي رد فعل للرسالة
وانا متاكده انه هيكلمك وهتتعاتبوا شوية وبعدين تتصافوا ان شاء الله
وياااااااااااارب اسمع منك خبر حلو النهاردة
__________________
اللهم بارك لي في زوجي وفي ابنتي واجعلها ذرية صالحة