حبيبتي والله مشكلتك كبيرة كان الله في عونك
انا عشتها كان انا اللي في المشكلة
بصراحة انا ما كنتش هقدر استحمل
انتي جربتي قبل كده انها تيجي تقعد معاكم لكن تعبتي وما استحملتيش والشجار عمال علي بطال مش كويس علشان صحتك وكمان علشان بنتك اللي عتطلع معقدة
لازم تفهمي زوجك كده
طبعا هيه امه ولازم يبر بيها كن مش علي حسابك انتي وحساب اعصابك
انتي عارفة فيه حموات كتير طيبيين وزوجات ابنائهم هما اللي وحشين وما اكترهم
في الحالة دي طبعا التعاطف بيبقي مع الحماة
لكن في حالتك دي حماتك ست لا تعاشر والدليل ان ابنائها نفسهم مش مستحملينها
طيب انتي ازاي هتعيشي معاها
فهمي زوجك كده وبهدوء اكيي فيه مليون حل غير انها تيجي تعيش معاكم
انتي في غربه لو اتخنقتي منها او ادايقتي هتروحي فين
و كمان قاعدين في شقة والدك يعني مفيش تقدير منها خالص
ربنا يشفيها ويرجع لها عقلها
دايما ادعي لها علشان ربنا يهديها وتريحكم
الاعضاء اللي قالولك استحملي وعيشي دي امه وكلام كده معلش مع احترامي لهم
الكلام مفيش اسهل منه
لكن انتي اللي عايشة وانتي اللي حاسة كفايه الاهانات والسب لاهلك كله كوم وده كوم تاني
ده ظلم لنفسك وربنا ما يرضاش بالظلم
ربنا يكون في عونك
__________________
اللهم بارك لي في زوجي وفي ابنتي واجعلها ذرية صالحة