اختي الحبيبة المصرية
ارجووووووووووووووكي لا تكرري غلطي
اليوم الساعة 3 و نص الفجر سمعنا زمامير السيارات من بعيد و عدت من قدام بيتنا سيارة عرسان مشرعة و السيارات قبلها و بعدها كأنها موكب ما شاء الله تبارك الله
تعرفي ساعتها ايش اتمنيت ؟؟
اتمنيت ارجع اعيش هذا اليوم من جديد و اتمنيت اني ارجع تاني بالزمن لورا و اعيش كل يوم من اللي فاتني
والله والله والله اتخيلت ايام زواجي و كيف كنت كئيبة و زعلانة طول الوقت انا مرة حساسة و كنت مرة خااااااايفة و قلقانة و لكن بعد ما انتهى كل هذا و صارت حياتنا روتينية فقت لنفسي و حسيت بالقهر من حالي و زعلي اللي انا حطيت نفسي فيه و انا الوحيدة اللي ما استفدت ولا شي
نصيحة من اخت تحبك سيبي عنك التفكير السلبي و عيشي كما لو انك العروس الوحيدة في الكون و محدش حيكون فرحان قدك يوم فرحك و لا تنسي تفرحي من دحين عشان تسيبي ذكرى حلوة في بيت اهلك و في نفسك و الله يسعدك و يهنيكي
__________________
رب لا تذرني فردا و انت خير الوارثين