أخي مهما كان قرارك أنا أنصحك انك تحاول و تتاكد من صحة قول خواتك أنها تكلم شباب صحيح انه من مصلحة خواتك انهن يشوهوا سمعتها لكن ممكن تكون انت مخدوع كمان
ابن عمي أحب فتاة كل الناس كانوا بينصحوه انه يتركها و لكن هو كان كتير قلبه طيب و مو شايف فيها إلا جمالها و كان اول مرة بيحكي مع بنت انخدع فيها كتير و هي بشهادة كل الناس اللي بيعرفوها فتاة قوية و صاحبت قبله شباب كتير
كانت مغرورة جداً و لكن ابن عمي مو شايف أمامه إلا جمالها و أنوثتها و دلعها كان عالق بفواتير موبايل و هاتف أرضي و مصر على الزواج منها و أمه و أبوه غضبوا عليه لأنهم شايفين أمامهم أنه الفتاة بتتحكم فيه و انها ما بتستاهل لكن مو طالع بايدهم شي
أنا ما عرفت عن البنت إلا من أخي اللي هو أقرب انسان لابن عمي
قلي لو حب أي بنت تانية من المدينة كان أحسن من هالبنت
الحمد لله أخيراً يمكن من دعاء أمه ابن عمي صحي من التخدير اللي كان فيه و تركها
اللي بدي قوله أخي لا تستعجل معلش حاول تسأل عنها و تعرف ان كانت فعلا بتستاهلك و لا لأ ... يمكن انت ما عم تفكر بالوقت الحالي إلا بحبها و جمالها وكلامها لكن لا تئسر نفسك بهذا فكر شوي اكتر و استخير و بعدين قرر
الله يوفقك للخير يا رب
__________________
.
.
استودعتك أهلي في سوريا يا من لا تضيع ودائعه