مهرة قرات كلامك مرة اخرى ومنتظرة قصتك واستراجيتك بشكل كاااامل
انا ماعندي مانع احمل ابني
لكن انو يصير يبكي عشان احملو فهادا تحكم وقرف عنجد
انا بحملو وبحن عليه وبلاعبو بدون ميبكي
وبصير عندي تحطيم لما يصير يبكي عشان ينحمل
لانو بكون اشي فظيع كتير
طيب كيف اخلصو من هالامر وبنفس الوقت مااحرمو من الحمل
عفكرة قلت الك الو يومين تلاتة زي هيك ليش مابعرف ؟؟؟
كل متمر الايام قرفو بزداد ماعمري بنسا كان قعد اسبوع بنام منتظم وهادي
ايش جرالو مابعرف

وفعلا الامومة تعب بس مش قرف في فرق بين الاتنين
انا لو بيضل الحال هيك مابعرف شو ممكن يصير
طول ماهو ساكت انا بكون كويسة وحنونة وبلاعبه وكل شي
بس لما يجيه مزاج الزن والنق بقرف منو ومن كل اشي
انا ابني بعرف جوعه من صوته(بالمناسبة كمان الو يومين تلاتة ماخد صدري شبه لهاية)
مابعرف شو مالو
لو ممغوص ولا منفوخ ببكي بشكل حاد ومبين انو متألم
بس هالايام بزن هيك ومابسكت الا لما احملو
اما لما يكون تعبان حتى لو حملته بسكت شوي وبرجع يبكي لانو سبب الالم ماراح
عفكرة ماببكي دقيقة ولا اتنين ولا خمسة
بقعد ين عشر دقايق وصوتو بصير مش طبيعي بحس انو راح فيها
بس بطنش وبقسي قلبي شوي
وبرجع الاقيه نام
بحزن عليه كتير وببوسو وببكي احيانا
بس ايش اعمل
ماعندي استعداد اقضي يومي هيك
علية اشغال اخرى
وحتى لو ماعلية اشي
مش ممكن طول اليوم حاملة ولد عايدي وماورايا شي تاني
هوة الام ماعندها احساس
الوحدة ازا صارت ام لازم تتبرأ من كل شي اخر الا طفلها
حرام تبقالنا حياة خاصة و نشاطات و ترفيه ولو بسيط جدا(اتكلم عن التلفزيون والنت)امور تافهة يعني

الله يعين وبالاخر احنا العرب هيك بنخلط بين الحنان والتربية وبالاخر ببان الفرق بينا وبين الاجانب
ولادنا بطلعو مابسمعو الكلام و فوضويين
ولما يصيرو رجال بصير زي محنا شايفين رجال الايام هاي والنساء ماعندهم نظام ولا التزام بالوقت والمواعيد
بينما الاجانب عندهم نظام والجد جد واللعب لعب والحب حب و البكا بكا
كل شي منفصل عن الاخر مش متلنا خبيصة وسلطة

انتظر ردك بفارغ الصبر

__________________