أحبائي اليكم تطورات قصتي مع زوجي بعد ان قررت ان امنح زوجي فرصة اخيرة بعد ان سمعت كلامه ووموافقته على جميع طلباتي واولها هو ان يبعد الام وابنتها إلى بلادهم والاخر هو فتح بيت لنا نحن الاثنين بعد ان سمعت كلامه انه يريد ان يفتح صفحة جديدة واانه سنيسى كل شي وافقت وقلت له بعد مايسافروا نقدر نرجع لبعض بأي وقت بعد ماتلاقي الشقة بعدها صرت اطمن على زوجي بين كل ساعة وساعة وابعت له مسجات حب وغرام وكم انا مشتاقة لوجودو معي ونفكر كيف بدنا نرتب بيتنا الصغير لكن كل المكالمات الي كانت كانت مني انا واليوم الي مااتصل فيه هو مايتصل علي ولا يطمن علي فقررت اتركه يومين من غير مااتصل ولا ابعت حتى مسج حتى شوف راح يتصل علي وبعد يومين اتصل وتوقعت يكون مشتاقلي ومن هل الكلام واذا هو عم يخبرني انو انا اسف ماراح اقدر اسفرهم ولا راح اقدر اعملك يلي بدك ياه وراح اثبت زواجي لى ام البنت حتى اصير اقدر واروح واشوف ا لبنت ايمته مابدي فأنا اسف كثير قلت له وانا اسفة مستحيل ارجع اتحمل الوضع يلي انا كنت عايشتو معك وكنت كثير كويسة ومتقبلة الوضع ومتقبلة البنت بس امها ماكانت تاركتك بحالك كيف لما يتثبت الزواج راح تتركك راح تقلك انت زوجي والي عليك حقوق فما تقلي انو بس زواج على الورق قلت له وانا اسفة انا شرطي الوحيد انهم يسافروا ومالك علاقة فيهم قال انا بحبك ومابدي اخسرك ويرجع يقلي اصلا البعد يلي صار بينا صار فجورة كبيرة بينا والله ناسيكي وماني مشتاقلك اصلاً وتعودت على عدم وجودك لو رضيتي ترجعي بنفس اليوم الي طلقتك فيه كنت يمكن اسفرهم لاني معك بس البعد خلاني افكر كويس بالموضوع قلت له البعد بيعمل اشتياق مو العكس قال لا انا عندي العكس لو ظليت معاكي وطلبتي اني اسفرهم كنت سفرتهم قلت له ماانا ظليت ست شهور وانا معك واطلب انك تسفرهم وماوافقت المهم قال لي فكري بالموضوع قلت له انا تعبت كثير ماراح فكر انت الي فكر شو ف شو بدك تعمل وخبرني اذا مصر على رأيك ياريت تحكي مع والدي وتنهو الموضوع بسرعة لاني بجد تعبت
والله يااعضاء اني تعبت تعب كبير وموعارفة شو اعمل ولا شو الحل والله كتير راح افقدو اذا تركني لاني بحبو بس هوماتركلي مجال وانا موموافقة انو زوجي يكون عندو بنت مع وحدة غيري والله لو كنت اعرف بالموضوع من قبل زواجي لكنت رفضت مع انو كنا انا وزوجي متزوجين فعلا بس مع هيك كنت رفضت وتميت طول عمري بلازواج احسن من الي عم يصير معي بس خبى علي ولو ماانا شكيت كان ناوي يخدعني طول العمر ويخبي علي بإعتراف منه وناوي اني ااساعدو انا بسد ديونوا ومصاريفو على بنتو وامها لان وضعو المادي ابدا مابيسمح يصرف على والدتو وعلى الام والبنت وعلي انا إلى من كل راتبي مو جزء منه بس انا مو مجبورة اتحمل غلطتو حتى لو كنت احبو مو لدرجة اني اضحي بسعادتي ولسه العمر طويل ولساتني صغيرة وممكن يجي شخص يكون الي لوحدي ويكون ابني او بنتي او ابنه إلو مو عندو أولاد من وحدة مو عربية
كتير تبعانة زوجي بعد ماحكى معي وشافني ئديش جدية با لموضع انو مو فارقة معي رجع اتصل بعدها بساعتين كيفك شو اخبارك شو في جديد قلت له مافي شي جديد ناطرة انت تقرر قال انا مشوش مابدي اخسرك ولا بدي اخسرهم قلت له مومشكلتي مشكلتك بس تفكر خبرني
انتو شو بتنصحوني