السلام علبكم با أخى انا من مصر برضه و متهيألى انى حاسس باللى انت بتفكر فيه ، بس فى بعض النقاط احب اوضحها:
- ان لسه صغير فى السن تأنى و خد وقتك قبل اى خطوه ، ولا تقدم على اي موضوع لمجرد انك محرج من البنت أو اهلها او الناش اللى عرفوك عليها.
- النقاب ليس معياراً قاطعاً لتدين البنت كما ان اللحيه ليست معياراً لتدين الولد و انما نتوسم فيهم الخير
- انت بتسأل هل تستطيع الفتاه المنتقبة أن تعطينى ما أريده ... هل تكون أفضل من غيرها ...هل تسطيع المنتقبة أن تشبع رغباتى وطموحاتى ؟؟
معرفش انت تقصد ايه برغباتك وطموحاتك لو كنت تقصد جسديأ مفتكرش فى فرق بين المنقبه و غير المنقبه لان معظم البنات فى العالم العربي ينقصهم الثقافه الزوجيه و دى حاجه ممكن تيجى مع الوقت و العشره و القراءه والتعلم .
ان كنت تقصد طموحاتك فى الحياه و العمل و الترقى بالمستوى هنا المشكله خاصة لو مجال شغلك من المجالات العمليه لان كتير من الناس اللى بيسعوا لزياده التدين بالنقاب او اللحيه أو ... ممكن تلاقيهم لا يعطون عمل الدنيا نفس القدر من الاهتمام و الإجتهاد ، وده ممكن يظهر مع كلامك مع البنت .
- و مثل ما قال الناس قبلى الطباع بتظهر مع الوقت فلا تستعجل العقد و اعط الخطبه بعض الوقت .
و اخيراً امسك ورقه وقلم و اكتب مواصفات اللى تتمناها فى زوجتك ورتبهم حسب الأهميه بالنسبه لك ، و ربنا يوفق
__________________
سبحانك اللهم وبحمدك اشهد ان لا إله إلا انت استغفرك واتوب اليك