لا اله الا الله
والله امهات الازواج يفكرو ان ازواجنا على طول مرميين في احضاننا و لا كان الدنيا كلها مشاغل و ما بنتقابل الا نادرا
انتي احمدي ربك انه خرجك و لو نص ساعة
انا اليوم قاللي حبيبي و قلبي اش رايك بكرة نطلع عند امي مكه و نشتري الخروف و بعدين تاني يوم كمان نطلع مكة مرة تانية و نروح لأمي عشان ندبح و نعيد عندها
طبعا من عادتنا في مكه لا نحتفل بعيد الاضحى غالبا و لكن حز في نفسي ان امي و ابي و اخواتي ما عندهم احد يخرجهم او يونسهم في العيد او حتى يوم عرفة و اليوم قبل ما نطلع مكة اتصلت امي تتخدعني اجي معاها الحرم
تخيلي الحرم انحرمت من الروحة هناك كله عشان نرضي اهله!!!!
انا قلت لأمي ماما انسيني خلاص
اعتبريني مت بس و ادعيلي هناك في الحرم و دمعتي من القهر على خدي
لكن اش نعمل
البنت بعد الزواج تتبع زوجها
مع ان امه تبغا على قلبها بناتها قبل اولادها جمبها و تتذمر لو احد فيهم ما جا و انا احط لهم الاعذار لاني بامر بنفس الظروف و هيا ما تعذر أحد لو اتاخر عنها
ما تحط نفسها مكان اهلي و تحس بيهم
الله المستعااااان
التعديل الأخير تم بواسطة dodi_dabdoobi ; 07-12-2008 الساعة 10:19 PM