فترة اخطوبه
فترة الخطوبه فتره مهمه للتنبوء بمدى انسجام الطرفين مستقبلا ! فعندما يخطب الرجل ويرى مخطوبته الرؤية الشرعية اقترح أن يكلمها في الهاتف كذا مره بهدف اكتشاف شخصيتها وبعد ذلك يقرر إما المضي في هذا الزواج وقعد القرآن أو العدول عنه والنجاة من جحيم الطلاق مستقبلا !! لأنه بحسب ملاحظتي لعدد من المشاكل الزوجيه وجدت عدد من المشاكل ممكن تدراكها حيث تجد الزوجة لها طبيعة مغايره تماما لطبيعة الزوج على سبيل المثال تكون هي متدينه والزوج متحرر ورأسه يابس فينظر لها نظرة احتقار للأسف ويصفها بأوصاف يعف لساني عن ذكرها وهي لو عند غيره كان عزها واحترمها !! يعني بصراحه شئ يوجع القلب !! لذا من الظروري أن تكون فرصه لأكتشاف شخصية الزوج والزوجة ولا ينبغي أن تضيع في كلام جنسي ومبالغات تعطي صورة كاذبه عن شخصية كل طرف !! عشان كذا ودنا نقترح عدد من الاسئله اللي ممكن تكون وسيلة لكشف شخصية كل طرف للثاني وهي لاتعدوأن تكون مجرد اقتراحات تحتمل الصواب والخطأ لذلك لاتبخلوا علي بملاحظاتكم وآرائكم :
1. انتبه لنبرات الصوت جيدا فهي تعطي مؤشر على طبيعة النفس ! يعني هل هي ثقيلة دم ؟ مغروره ؟ همجيه ؟ عفويه ؟وووو والشي الثاني : طريقة الكلام هل هي سريعه في الكلام فهذي مرجوجه وعجله وانتبه لطريقة سلامها كانها ترد السلام فهذي حساسه وحنونه أما كانها معلقه تسلم عليك وبس وماتركت لك فرصه تسلم فهذي مشاعرها بارده اصلا ماتأثر فيها الكلمه الطيبه !!!!!!
2. انتبه لطريقة الحوار : هل هي تقاطعك ؟ هل هي تطلق الأحكام جزافا بدون أدله تعمم في الحكم على ألآخرين ؟؟يعني مثلا تقول كل قبيلة كذا ... بخلاء !! هاذي عقليتها سطحيه !! هنا دورك في الرد : لازم تقول لها :هل وقفتي عليهم كلهم عشان تحكمين على مئات الأشخاص ؟؟ هذا حكم بدون دليل !! الأفضل تقوين يكثر فيهم البخل !! او سمعت كذا عنهم والله اعلم !! وهكذا وأذا قالت لك ايه صح صادق استغفر الله فهاذي انسانه تفكيرها مرن وانفتاحي وواثقه من نفسها ومتواضعه أما إذا طنشت كلامك فهاذي عقليتها سخيفه وتافهه ولا تحلل ولا تحرم وحالتها مستعصيه الأفضل تنحاش منها من الحين !!!!!!!!
3. اختبر عزة النفس عندها :فمثلا ممكن تسالها عن المعنى الحقيقي للكرم ؟؟ (يعني اقلب راسها بالأسئله وان كانت مثقفه وتفكيرها راقي بتعرف تدبر نفسها ) مثلا برايي إن الكرم درجات أهمها أن يكون الأنسان مبتسم في وجه ظيوفه ويهلي ويرحب بهم مابين فتره وفتره وإنه يقدم لهم احسن ماعنده وإنه اذا راح لهم في بيوتهم مثلا يصير ذوق ولا يتدخل في خصوصياتهم ولو عياله افسدوا شئ عند الناس يظمنه لهم ويعوظهم عنه ووهنا بتقدر تعرف مستوى تفكيرها هل نظرتها بعيده أم قصيره وسطحيه
4. اختبرمدى مستوى احساسها ودقة ملاحظتها ورهافة حسها ! واتوقع أن الأنثى الحقيقيه لو ماتصير فيها كل هالصفات ماصارت أنثى !! بتصير وحش !!لأنه لا يمكن تحتوى الرجل عاطفيا وتظحي من اجله ومن اجل ابنائها وتتفهم احتياجاتهم الا هي كذا !!واقترح مثلا انك تسالها عن مشكله اجتماعيه وتطلب منها تقترح الحلول !! يعني تقول وش اخطرمشكله اجتماعيه تعاني منها الأسره ؟؟ يعاني منها الشباب ؟؟ وبصراحه اللي ماتتابع مشاكل المجتمع وتتفاعل معها هاذي باارده عاطفيا وتجيب الظغط !!مثلا اقترح لو اختارت مثلا مشكلة انت تشوفها ماهي كبيره ! اسالها ليه شدتك هالمشكله ؟؟مثلا وحده شدها منظر الجسر المعلق اللي في ظهرة لبن !! تقول( لين جيت اروح مشوار وشفت هالشباب فارشين جنبه وقاعدين قلت مساكييييييييين ياما من الفرغه عندكم !! ياما من المشاكل والحرمان العاطفي !! احد يقعد عند دخنة هالسيارات !! وش لاقين فيها !! وتقول ولين ناظرت الجسر والسياج اللي حطوه عشان اللي ينتحرون من فوقه قلت يالله ياربي انك تغفرلهم مانتحروا من شوي !! يامخدرات يامرض نفسي يا...وقعدت أتأمل خاصه في الليل وفي البيوت اللي حوله واقول ياما من كثر المشاكل فيها !!) لو طلبت منكم تقولون رايكم في شخصيتها ؟؟!! وش بتقولون ؟؟!أنا احس انها انثى حساسه جدا ومرهفة الحس وحنونه وشديدو الملاحظه وعندها قدره على تلمس الأحتياجات وتصلح تمسك ادراة بيت او عمل !! وودي اسمع أي كل واحد يقرا الموضوع فيها ؟؟ وعموما ابي راي كل شاب يقرا الموضوع يثريني باقتراح أو انتقاد حتى كله مثري لو اختلفنا في الراي المهم نستفيد ونتعلم من بعض !! وبالتوفيق لكل مخطوبين