اسعد الله مساكم جميعا اخواني واخواتي في هذا المنتدى الرائع ...
اليوم مريت بمشكله واحس اني طول اليوم مقهورة بسببها والى اللان ماعرفت انام ؟؟؟
اليوم طلعنا طلعه عائليه مع زوجي العزيز ... انا والعيال والخادمه ... المهم اول ماطلعنا من البيت رحنا مشوار قريب واحنا راجعين رجعنا من جهة البيت .... فوجئت فيه يسالني وين احنا ؟؟؟ قلتله احنا عند البيت طبعا جاوبت على نياتي ... تخيلوا رد علي وقال زين فهمتي وله انتي ماتفهمين دايم غبيه في الوصف ....
تخيلوا السالفه مرة مالها داعي ولا له داعي يهيني ... سؤاله اصلاموفي موقعه .
المهم انا سكت وابتسمت وعديت الموضوع ...
مشينا شوي سالته بنتي قالت بابا فين رايحين ؟؟؟ قالها يؤ شكلك ماتفهمين زي امك رايحين الكورنيش طبعا ...
برضوه عديتها ...
طبعا انا مسويه قهوة لاني كنت مستعجله ماسويت حلى ... فقلت وشرايك تجيب لنا كنافه ... قال لا ناخذ عيون المها ... قلت كنافه احسن ... قال والله ماتفهمين وش هالغباء اللي يبيع هذا يبيع ذاك ...
يالله هنا خلاص بديت اعصب بس قلت اعديها ...سكت شوي بعدين قلتله في شارع المطاعم في محل الكنفاني خذ لنا منه ... قال وين بالضبط ... قلت اتوقع جنب صب واي .. وصلنا صب واي ومالقيناه ... ويالله على اللي صار ... طول الطريق وهو يضحك ويقول((( انا قايلك انتي ماتفهمين ... مخك مدري كيف صاير ... ركزي يابنت الناس ... والله غبااء ....ويرجع يعيد المشكله انك ماتفهمين )))
هنا خلاااااااااااااااص مرة عصبت تخيلوا حتى الشغاله والعيال قاموا يضحكون علي وهو يضحك معاهم ...
قلتله انا ماافهم ؟؟؟ ليه ماتثمن كلامك قول ماتدلين ... او ماتعرفين الطريق في مصطلحات كثير توصل المعلومه غير كلمة ((ماتفهمين )) لقيته رد وبكل هدوء لاانتي ماتفهمين ..
قلتله ماتفهمين يعني غبيه .... قام يضحك طبعا والشغاله والعيال يضحكون ...

هنا رديت عليه وانا عمري ماغلطت عليه بس والله من القهر ... قلت على الاقل يوم تتزوجني اخذتني جامعيه موطالعه من الثنوي بالموت ...((طبعا هالكلام كنت اقصده بس انا احس مااهنته بقوة لان كلامي ماكان مفهوم لاللشغاله ولا العيال لان العيال صغار والشغاله ماتفهم عربي كثير ))
اخذها بضحك وقال بس كملت الجامعه ... قلتله ايه بفضلي ..((طبعا لاني انا اللي توسطت له ))
هنا عصب وقام يهاوش وقال انتي ماتستحين ومن هالكلام ..
والله ياجماعه.. اني حسيت الدنيا دارت فيني وحسيت بغلطتي وانبني ضميري ... بغيت في ساعتها احب راسه واعتذر بس كرامتي منعتني لانه اهااااني بقوة وكرر كلامه كم مرة..

بعدها رحنا جلسنا على الكورنيش عشان الصغار ... هم يلعبون وانا جالسه اتفرج بس فيني قهر موطبيعي..
قلت له وقتها بصوت مخنوق انا لوماافهم كان ماربيت عيالك ولاصنت بيتك وعيب تكلمني بهالطريقه قدامهم ..
انا مارضى اقول للشغاله ((ماتفهمين ولاغبيه )) كيف انت تكلمني كذا قدامها ؟؟؟

قال حتى انتي غلطتي وسكر النقاش ..
طبعا انا اللحين اعامله عادي لاني احس اني غلطت نفس غلطه واكبر ... بس احس داخليا بقهر ماادري ليه بالضبط .. يمكن قهر لانه اهاني ... او قهر اني غلطت عليه موعارفه بالضبط .

اللحين سؤالي لوعادها مرة ثانيه وش اسوي ؟؟؟ انا الصراحه مااحب احد يهيني ولااحب اغلط على احد ... فمابالكم ان كان زوجي؟؟؟