اهلا بك بيننا ...
اخي الكريم توجد عدة حلول وامور مهمه :
وهي اولا ان تختار او تقبل بالعائلة المناسبه لك هذا بالنسبه للحسب والنسب
و تسأل امك واختك عن البنت بصفه عامه واذا ارتحت مبدئين لكلامهم صلي استخارة بقلب حاضر حتى تقبل وتحرى اوقات استجابة الدعاء وادعي بالخير وان ارتحت اسأل اختك او الوالده بالتفصيل عن البنت وتقدر تقيس مستوى معرفتهم بالجمال (اجلس معهم عند التلفزيون و وريهم وحده وقولهم ايش رأيكم في هذي اذا قالوا حلوة وهي حلوة او قبيحه وهي قبيحه فتمام اما اذا مدحوا قبيحه وذموا جميله فا لاتعتمد على كلامهم مره) وطبعا في اختلاف في نظرة كل شخص للجمال ولكن يبقى في اطار المتقبل ما بين الجميل جدا الى الحلو بمعنى في بنت تنشاف ينقال عليها جميله >>جميلة ملامح وشكل وفي حلوه تكون ملامحه موذاك الجمااال ولكن تدخل القلب جذابه ينقال عليها حلوة معنك لو دققت ميب جميلة بس حلوة..
وفي طريقة ثانية وهي لو اللي بتخطبها ممكن تجي بيت اهلك لو عزموهم وتقدر تشوفها وهي ماتدري فهذا حل وهو جائز شرعا اذا كنت ناوي تخطبها .
وانا رأي ان الحل الوحيد الاستخارة لان لو ربي كاتبلك نصيب بيسر لك الامر ويتم وان مالك نصيب بيتفركش من البداية قبل الشوفه...ولو صارت الشوفه ومارتحت يكون افضل انك ترفض من البداية ولا ترفض وانت عندك منها اولاد وطلقها بعدها كرد فعلا متأخر.. وصدقني التوفيق من الله ..والله يوفقك بالزوجه الصالحه.