واحنا جالسين نتقهوا قلت له عطني جوالك (لسبب ذكرته له) المهم تلعثم ,,وانا والله متأكدة ومصدقه انه متأثر ولا تخيلت ان ممكن يصير الى الان في غيه ,,,ولكن الواقع ليس كما يرغبه قلبي واحاسيسي,,بل امرّ من ذلك,اكتشفت انه على علاقه جديدة مع وحده هي من بدأت بمكالمته وهو ماشاء الله ما قصر,, الظاهر قال خلها تحل محل اللي مشت,,, والله ياجماعه اني مذهوله اكثر من اول وللعلم خيانه مرة اخرى وبالجوال الجديد اللي ماله 3 اسابيع شاريته له هديه توقعت ونأكدت أنه متأثر بس لهدرجة ما عنده احساس ,,, قمت ولميت ملابسي وانا ابكي حتى ولدي الصغير رحمته قام يصيح معي,,وهو يحاول يثنيني و يحلف أغلظ الايمان انه مو قصده,,,لكن قررت اني ما رجع لأن ضربتين بالراس توجع..
رحت لبيت اهلي,, لكن هذي المرة علمت امي واكدت عليها انها ما تخبر احد وخبرت امي اني ناوية على الطلاق,
حاول ان يرجعني وبعد مكالمات ومحاولات رجعت مع تأكيدي له ان حياتنا ستصبح لا تطاق بسبب شكي الذي هو سبب فيه,,لكن هو توعدني اني ما أجيب طاري لخيانته لي وقال انسي الموضوع , ولا تنكدين علينا حياتنا<<<<شين وقوي عين
رجعت معه وصارت مشاكل متعلقة بعدم نسياني لجرحه العميق لي,, لكن هو الله يسامحه كان اناني ولا يبغاني حتى ابين حزني ويقول انسي وسامحي,,اللي يسمعه يقول جلست سنين اذكره بخطأة هي شهور وبس اخذت على نفسي عهدت اني افتح صفحة جديده معه وانسى الموضوع (أقصد اتناساه) وفعلا دعييييييييييييييييييييييييييييييييييييت ربي انه يطفي النار اللي بقلبي ويهدا سري وينسيني,, وفعلا جلست سنه و5 شهور وانا ماجبت طاري للموضوع ابد,,,
المهم القصه اعلاه انا ذكرتها لكم لتكونون بالصورة ,,ولتستطيعوا الحكم
بتقولون بعد كذا وين المشكلة اللي تبغيننا نحكم فيها ؟؟
اقولكم قبل كم يوم جاء طاري العلاقات المحرمه المهم جر الموضوع بعضه وقلت لزوجي اصلا معظم البنات اللي يلعبون يكلمون كذا واحد يخلونه يشحن البطاقات واذا ملوا منهم يمشون ويتركون الرجال,, قال لي اكيد بس بعد ما ياخذ منهم اللي هو يبه(اكيد فهمتوا عليه) قلت هذا يمثل حتى رايك انت وينطبق عليك؟ يعني كل رجل له علاقه لابد ان مسوي شي؟؟التفت علي وضحك ضحكة مدري وش تبي..
انا هنا انقهرت وسكتت وضاق صدري وتذكرت الموضوع السابق وعلاقته مع العلم واني والحمدلله ارتحت وما اذكرها بس كلامه السابق أثر فيني وخيل لي ان علاقته السابقه وصلت لمدى ابعد من الرسايل والمكالمات..
كان الحديث السابق بالسيارة نزلت عند اهلي,,ونمت عندهم وبعد ما رجعت كان واضح انه ضايق صدري,,راح مشاني وحبيت اني افضفض له واعرف ليه قالي هالكلام,, بس اول ما بديت اتكلم واقول وش قصدك من كلمتك ذيك ,,الا وينفجر علي ,,اعوذبالله انتي مللتيني,(,أي ملل وانا والله العظيم مثل ما ذكرت اني خلاص ما عاد ذكرته بالموضوع ولا همزة ولا لمزة)
ويقول انتي بتخليني اتزوج وحدة غيرك ما تعرف عن ماضيي شي عشان ارتاح منك,,,وانا خلاص ما ابغى اسمع منك ولاكلمه,,يا ناس والله اني ما استاهل وش سويت له؟؟؟ عشان يهزأني,,اللي يسمعه يقول كل صبح تذكره بمواله وخيانته لي,,هو موضوع وتكلم فيه وما توفق في ذكر رايه يوم جيت ألومه يقول انتي غلطتي علي,,,
بـــــــــــــــــــــــــــــــــــــــــــــــــ ـــــــــــــــــــــــــــــــــالله عليكم اللي ابغاكم تجاوبون عليه,,
هل انا مخطئة والمفروض اني اتحمل اكثر مما لا أطيق؟
هل زوجي مخطئ؟
في الاخير اريد كلام ونصائح توجهونها لزوجي...
الله يوفق كل من يرد,,,ولا اراكم الله مكروها في من تحبون..
__________________
استغفر الله
التعديل الأخير تم بواسطة ريتــــــاج ; 15-11-2008 الساعة 05:22 AM