اختي ليتني اسال : ولايهون الجميع :
قلت في اول كتاباتي انني كنت قاسيا عليها خلال الـ 4 سنوات الاولى من زواجنا، وذهبت الى بيت اهلها وظلت اشهر طويلة، ولم تعد حتى هلكت لاني فعلا احبها، لقد اتعبتها خلال السنوات الاربع لكنها عادت ورغم عودتها بشكل غير مناسب يعني بعد مرمطه، وتلاعب تخيلي انني تركت والدي في العناية المركزة في مدينة بعيدة بناء على طلب اهلها لاحضر لاخذها بعد تدخل اصدقاء وبعد ان وصلت يقول اهلها " لو كنا مكانه ماتركنا والدنا وجئنا عشان زوجتنا، خلوه يجي وقت ثاني". وغيرها وغيرها.
ومنذ عودتها كانت انسانة كويسه لكنها بدءت تتشرط وتتعبني معاها يعني مو زوجتي الاولى اللي انا لاحقتها عشان ترجع للصفات اللي فيها، صارت بعد ماكنت اقول انقلعي بيت اهلك، هي تسبقني وتقول طلقني واحيانا تتصل على اخوها، تعال خذني، صارت دائما تكرر انا ماني الاولى الضعيفه الي تخبرها، وماحسمح ان احد يدوسني ويهينني واهم شي راحة نفسي قبل كل شي انت كيفك.
صارت بدل ماتوصيني على اهلي وبرهم، تحرضني عليهم، رغم اني ولدهم الاكبر والسند والعون، ولو كانوا كلاااااااب ماقدرت اتخلى عنهم، وبدلا من مجاملتهم اصبحت 24 تحش فيهم قدامي وتسب ذا وتتكلم في ذا، وكاني ماني موجود " طبعا هم عايشين في مدينة بعييييده".
وبرغم اني لمن رجعتها حسنت علاقاتي باهلها، من اجلها، والا هم مايستاهلون، وحركاتهم مو تمام، واعدت الامور الى مجاريها واصبحت علاقاتنا مميزة وجيدة، وتحسنت كثير.
صحيح اني برضو كنت ارتكب اخطاء لكن اخطائها اصبحت اضعافي والادمية فسرت سكوتي او صمتي او تحملي يبدو خطا، كانت مااتتجرء تجيب سيرة اهلي وشوي شوي صارت ماتسكت في سيرتهم.
كنت اجيب لها ابره تفرح فيها، صرت اجيب لها أي شي مايمثل لها شي، وكانت بما انها معلمه تعتقد ان فلوسها سلاح ضدي او تخوفني بمنعه، وبعدين وقفته انا وتركت فلوسها، وبدءت تخبص ماهي عارفه وش تستخدم من سلاح.
تخيلي بعد مارحت وتعبت وخسرت وبنيت لها شقة في الديرة اللي فيها اهلي عشان افتك من المشاكل وبعد التعب بكل بساطه تقول " جايت في الوقت الضايع" بعد ماتمشكلنا وينها من زمان.
كله كوم وان أي خلاف يصير تتصل باخوها كوم – اخوها انسان مريض عاطل ومتزوج وعنده عيال ومسكين معتمد على اخواته في حياته – لكنا انا اصبحت احس اني انسان مالي سلطة على بيتي.
نسيت انها كانت تمرض او تدخل المستشفى كنت اظل عندها ووراها من خوفي عليها ان تحتاج شيء، كانت تطلب شي تافه واجيب اضعافه، نسيت كم رعيتها وحاربت من اجلها القريب والبعيد، صدقيني خسرت اناس مقربين بسببها ومن اجلها خلال معركتها مع اهلي وغصب عني لانني كان لابد ان اقف في وجه أي ظلم، وللاسف بعد كل ذلك " ذهبت".
كل ماسبق جعلني اقرر الان ... اني اربيها او افتك منها، لاني ماحقدر اربي اهلها، ولا حقدر اخليهم بشر، بس اما اربيها او اشوف لي بنت ناس – وهذا امر بدءت فيه الان في كل الاحوال - وراها اهل يردونها اذا غلطت، وبالنسبة لاولادي لهم رب لايتركهم .. ساحاول قدر المستطاع ان ارعاهم واحميهم من صروف الحياه، ولا رااااد لقضاء الله.
طبعا انا لو شفت فيه تلاعب في موضوع الاولاد حمرمطها – لانها تفاخر ان اهلها دعوجيه – وحوريها الدعوجه صدق ، وبعدها اطلقها وارتب موضوع زيارتهم رسميا، واخذهم واحد ورا الثاني ، واما تقعد خدامه عندهم، ولا تتزوج ويجون بيت ابوهم، ويعلم الله انني في هذه اللحظه بعد خروجها من بيتها للمرة الثالثة، عكس وقت وشهور وسنون مضت غير اااااااااااااااااااااااسف على هذه الانسانه، بل اسف انني انجبت منها هؤلاء الاولاد.
__________________
المستريح الي من العقل خاااااالي