الصراحه شر البلية مايضحك
اختي صدقيني مافي اي فايده مدام ابوها وامها هذا موقفهم البنت ماراح تتعدل ابد ... الابتصيرين انتي المكروهه عندهم بسببها وبكرا كل سالفة والثانيه يقولون انك تحرضين زوجك على اخته ...
مالك الا الحل اللي قالوه معظم الاعضاء انك تقفلي غرفتك دائما...
او قولي بصريح العبارة لخالتك ام زوجك ..((( وش موقفك ياخاله لوبنتك شافتني انا واخوها في وضع موكويس وفهميها ان هالشي ممكن يحرك فيها غرائز هي صغيرة عليها وصغيرة على مستوى تفكيرها )))
اصلا حتى شوفتها لقمصان النوم والجرأه انها تفتحها مرة عيب ...
بس بقولك شي من واقع تجربتي ... انا اول ماتزوجت سكنت مع اهل زوجي كان عندهم بنت في سنها ... يالله ماتتخيلين كيف تعبتني بس يعني مونفس اللي عندك اهون بكثير لكن برضو متعبه لدرجة اني كنت ادرسها وترمي الكتاب في وجهي وتغار من بنتي الصغيرة وممكن تبكي لاتفه الامور وتقول اني السبب ... طبعا ماكان بيدي شي الصراحه كنت في قرارة نفسي اقول انا ضيفه عندهم مع ان خالتي وعمي مرة طيبين بس مهما شكيت لهم يقولون طفله صغير وماتقصد ...
المهم اللحين ماشاء الله صار عمرها 17 والله مااقدر اقولك عن اخلاقها وذوقها وادبها معاي ... تغيرت 180 درجه ... ماانكر ان البنت قوية شخصيه مع الجميع لكن صارت بحزم يعني محترمه مع اللي يحترمها واللي يدوسلها على طرف ياويله ... المهم احس انها لماكبرت صارت تعرف الصح من الغلط والله هداها وانا والله اللحين اعزها معزة ماتوصف ...
انتي ادعي ربك انها تكبر وتعقل وموعشانك بس عشان نفسها وعشان اهلها مايستاهلوا ... لكن انتبهي من شي مهم .. انتبهي يربون بنتك على نفس المنوال ساعتها من جد من جد الله يعينك وهنا بتلاقين بنتك تتعلق فيهم وتتركك بحكم انها طفلة وتبي اللي يسايرها على الصح والغلط وهذا اللي صار مع بنتي ووالله مابديت اسيطر عليها الالما دخلت الروضه ... لانها بعدت عنهم بسبب الدراسه وانتظام نومها... وهنا صارت عصمتها بيدي والحمدلله.