الرجال من 25 الى 35 والحرمة من 20 الى 30
بالنسبه للفرق بينهم ما يهمني مدام الانسجام والتفاهم موجود بس احس كل ما قل الفرق وتقارب العمر زاد التفاهم والانسجام بيني وبين زوجي سنة فقط ومرة مبسوطه على هالشي واستغرب لين الحين فيه ناس مقتنعه بفكرة الحرمة تعجز بسرعه وعشان كذا لازم تكون اصغر بواجد..
معليش بس انتم تتناقلون حكمة من مئات السنين مدري من اي قرن جايبينها! هل الحريم تعجز الحين؟؟ توصل الوحده عمر الخمسين وهي في قمة رشاقتها وشبابها والله العظيم ما صرت افرق بين الحرمة في الثلاثين والحرمة في الخمسين اذا كانت مهتمه بنفسها ورشاقتها واذا الوحده مو مهتمه حتى لو تزوجها صغيره مرة بتتبهذل وتسمن وتترهل من الحمل والولاده ويطلع شكها عجوز وهي ما عدت الثلاثين..
بالنسبه لكون الحرمة تكون اكبر من الرجال اشوف مافيه مانع اذا فيه بينهم حب وتفاهم وكان الرجال ماعنده مانع ومو مضايقه الموضوع لكن ما افضل تكون اكبر منه باكثر من خمس سنوات..
واستغربت جدا من اللي قالو الفرق يكون عشر سنوات ولا 15 سنة مناسب بالنسبه لي كثييييييييييير مرة وماقدر انسجم مع شخص اكبر مني ب 15 سنة مستحيل احس انه ابوي الا شوي.. اعتقد هالشي كان عادي منزمان لكن في الجيل الحالي ماحس انه عادي ابدا الان فرق 7 و 8 سنين يعتبر كثير نوعا ما..
__________________
التعديل الأخير تم بواسطة البحلة بالنفس ; 31-10-2008 الساعة 02:08 AM