حسب خبرتي المتواضعه في السيارات .. افضل نوع من الي ذكرتهم BMW 6x

مميزاتها :

1 - اذا قستها من ناحية الصيانة .. فان الوكالة تعطيك 5 سنوات ضمان و صيانة مجانية بحيث انك ماتدفع شي ..


2- اذا قستها من ناحية التكنولوجيا الموجودة داخل السيارة .. مافي اي سيارة في العالم تفوق البي ام دبليو من ناحية التكنولوجيا .. الكراسي فيها مساج والدي في دي والتلفزيون والبريك الاوتوماتيكي
وغيره كثير من الحاجات.

3- افضل سيارة من ناحية الامان وبشكل عاما السيارات الالمانية رقم 1 ناحية الامان .. بحيث لو مثلا دخل على دورا وعلى سرعه تقدر تسيطر على السيارة في اسوأ الاوضاع

4- مايحتاج تشيك على السيارة من نفسك لان السيارة لو احتاجت اي شيء راح تخبرك بما تريد.. مثلا لو كان فيها بنشر راح تخبرك .. لو محتاجة ماي راح تخبرك .. لو محتاجة سيرفس راح اتخبرك .. حتى لو ليت السيارة احترق .. راح اتخبرك .. لو محتاجة زيت راح اتخبرك

5- سياقة البي ام بحد ذاتها متعه.. ومميزة بثابتها في الخط

6- فخمة جدا وشكلها مميز وجميل

عيوبها :

1- سعرها عالي

2- لو بعتها بينزل سعرها كثير لو كنت انت من النوع الي يفكر في هالناحية

3- طبعا لانها فور ويل لازم تصرف .. بس لو كانت 6 سلندر ماراح تصرف مرة

4- السيارة قومتها بطيئة نوعا ما مقارنة بالسيارات الي اول ماتحط رجلك على البنزين إلا وصلت القمر

5- لو تميت كل شوي تضغط على البنزين بقوة ودايمن .. راح يتبخر زيت السيارة .. وراح يطلع لك مسج بعد كم شهر ان لازم تصب لها لتر واحد زيت ..


في النهاية .. الشي يعتمد عليك .. بالنسبة للعيوب السابقة الي وضعتها .. انا ماعندي مشكله فيها كل سيارة لها مميزات وعيوب .. وبصراحة ماعانيت من عيوبها .. لاني لا انوي ابيع السيارة .. ولا انوي اسابق فيها .. ولا انوي اضغطها كل شوي

تحياتي

__________________

متى زرت والدك آخر مرة ؟