الاخت صاحبه المشكلة
نصيحتي لا تخلين الاوهام تخرب عليك حياتك !! حاولي تفكري بطريقة عقلانية اكثر
اولا انا حسيت من كلامك انه فيه قبول لولا صوره الوالد اللي مشوشه على تفكيرك !!
وحطي في بالك يااختي انه مافيه احد يشبه احد في هالدنيا كلها !! لا تقولين تقاليد المجتمع او غيرها صدقيني الحب فوق كل شي !! ويغير كل انسان !
ومدام انه انسان وسيم ومافيه خصال شينه فحرام تظلمينه ليش ماتعطينه فرصه وترمي هالافكار والوساوس وراك !!
افتحي قلبك له واسمعيه !!
وان على مسأله الكلام الجد فأنا زوجي ايام الخطوبه كان اكثر من كذا !!
الى درجة اعتقدت انه انسان بارد !! محترم الى ابعد مدى تتصورينه !!
ومن تجربتي اقول لك الخطوبه والزيارات ماهي مقياس ابدا للحياه بعد الزواج صدقيني فرق كبير !!!
حاولي تعطينه فرصه ثانيه وتناقشي معاه بكل صراحه !!
تخيلي لو انه خطب بنت ثانيه غيرك وانتي تركتيه ! وانتي مالقيتي احد مثل وسامته واخلاقه ! وش بيكون شعورك؟؟ حاولي تحطي نفسك بهالموقف اذا حسيتي انه عادي معناه انه مافيه قبول واذا حسيتي بغيره معناه انك بديتي تتعلقين فيه !!
وبعدين يا اختي حاولي تسألينه عن تصوره للحياه معاك في المستقبل !! يعني وين راح يوديك طلعات اماكن مثلا على سبيل المزح وانتي وذكائك !
صدقيني اذا الرجال حب زوجته يسوي لها اي شي لو الدنيا كلها توقف بوجهة !! حاولي تحببينه فيك !! وبتشوفين ان كلامي صحيح
ونقطة اخيره !!
لا تخلين نقطة انك احسن منه ثقافيا تأثر عليك !! ترا الغرور ماهو زين !!
كل واحد له اهتماماته اللي تشده وتعجبة !! اذا تحسي انك احسن منه نصيحه لا تتزوجينه لانك دايما راح تحسي بهالنقص فيه !! الا في حاله وحده اذا حاولتي تعدلي من نفسك وقبلتي به وحبيتيه راح تشوفينه اجمل واحلا انسان بالدنيا
وترا الفرصه ماتجي للانسان الا مره وحده
اقري قرآن وداومي على اذكاار الصباح والمساء واستخيري
الله يوفقك ان شاء الله
أختك أسيل