هلا فيك اختي الغاليه


قرأت المشكله ولم اقرى جميع الردود

لان والله نفسيتي ماعادت تتحمل اسمع واقرى ولكن موضوعك ببالي وودي افيدك


بس بنصحك نصيحة اخت مجربه

انا ونتي نفس العمر بس انا عندي ولدين وانتي ثلاث

والله علشان هالثنين اني كنت مستعده اضيع عمري كله ويعيشون بيني وبين ابوهم حياة مستقره

بس للاسف الحياه ماكانت مستقره ابدا وبداو يتاثروا بالمشاكل ويشوفوها
اكيد انك تزوجتي مثلي بعد الثانوي

وكنا صغار شوي على الحياه يعني ماكنا فاهمين وش الدنيا مثل هالحين وبالنسبه لي كنت ماخذه الناس كلهم مثلي

كنت جدا بريئه كانت برائتي غباء اعتبربها هالحين وللاسف مازالت هذي البرأه موجوده بس مع الايام عرفت الناس واجناسهم

عرفت ان فيه اعداء لك بدون مايؤذوك ممكن يودن لك الخير ويخربون عليك وناس تبكي عليك وتضحك من وراك

ولمى تجي الازمات صدقيني ماراح تلاقيهم حواليك

بس ياغاليتي اسال مجرب ولاتسال طبيب

اذا حياتكم مافيها ضرب مبرح وزوجك ماشي عدل ويصلي

اذا تحبين زوجك ارجعي له

اذا تحبين اولادك ارجعي له

تعوذي من الشيطان

ترى الدنيا ماتستاهل وابغض الحلال عند الله الطلاق وفي حديث للرسول عليه الصلاه والسلام بما معناه انه لعن الله من طلبت الطلاق من غير اذى ------يعني هل تاذيتي جسديا ---نفسيا اغلب الناس متاذين يعني محد مرتاح لافتاه ولازوجه ولامطلقه ولا ارمله

قال تعالى ((ولقد خلقنا الانسان في كبد))

اسالي نفسك ولاتساليني او تساليني غيري

اسال قلبك عقلك هذا الانسان يعنيلك شي ولامايهمك

لاتكابرين قدامنا احنا مانحقق معاك احنا نعطيك اراء لاكن انتي ادرى وش تبغين

وش تتمنين بعد كم سنه يصير بحياتك مثلا عادي تتطلقين --ممكن تتزوجين وممكن لا ---ممكن تنحرمي من ابنائك--- ابوك ماراح يعيشلك العمر كله --الله يخيله لك ويطول بعمره وبعمر ابائنا يارب---بس ترى اغلب الازواج يعانون لاكن فيه الف طريقه لحل المشاكل ومو كل مشكله تروحي لاهلك ممكن تبين لزوجك زعلك وانت ببيتك وصدقيني اغلب المشاكل اذا دخلوا الاهل كبرت وخربت للاسف اذا انتو الاثنين مافهمتوا بعض يعني الي حوليكم بيفهموكم بعض

وبعدين عيالك لمى يدخلوا المدارس وش بيكون وضعهم ؟؟؟

اذا عندك بنت اذا بلغت من بيكون حولها ؟؟؟

اهله بيحرموك من ابنائك والا لا؟؟؟



استخيري الله واستغفريه ووكلي امرك له ويمكن البعض اعطاك طرق للرجعه جربيها

اسعي انتي لاتتركي الموضوع تراها حياتك وابنائك انتي مو ملك لنفسك ملك لثلاثه غيرك


الله يسر لك الخير يارب ويفرج همك يااختي الغاليه


اتمنى تقري ردي مره واثنين وثلاثه يمكن تكون فهمتيني

__________________