المشاركة الأصلية كتبت بواسطة حاملة الهم

السلام عليكم ورحمة الله وبركاته ...

اول شي اشكرك اخوي بو محمود على هالموضوع المهم جدا جدا ... والله يهون على زوجتك يارب ويرزقكم الذرية الصالحه السليمه اللي تنفكم وتنفع الامه يااارب ..

ثاني شي .. اسمحي لي اخوي الفاضل اني اقول لك اني من المؤيدين وبقوة انه الزوج يدخل مع زوجته عرفة الولادة ويعيش معاها كل اللحظات من بداية الطلق لين مايشوف ولده او بنته وهم توهم طالعين من بطن امهم ..

وجود الزوج مع زوجته يحسسها بالامان والراحه .. ومحد غيرها في هالدنيا كلها يقدر يعوضها عن هالامان والراحه اللي تحس فيهم .. يوم تحس انه زوجها ماسك يدها وكل شوي يدعي لها ويمسح على راسها .. والله مافي احلى من هالشعور ..

يعني تخيل اخوي بومحمود لو لاقدر الله انت اضطريت تنحط في وضع مشابه لهذا .. وزوجتك تقدر تكون معاك وتخفف عنك بترفض!! ..

صراحة بالنسبة لي زوجي كان معاي من بداية طلقي لييين قبل مايدخلوني غرفة العلميات لاجراء العملية القيصرية .. ومع انه كان لابس ومستعد انه يدخل معاي للعمليه لكن لما اضطروا انه يعملون لي البنج الكامل ماسمحوا لزوجي بالدخول .. وعقب ماطلعت الممرضة قالت لي انه قبل ماتبنج كنت اسالها عن زوجي ومابي شي يصير الا وهو معاي الله يحرمني منه يارب ..


اخيرا .. الله يهون على زوجتك ويخفف عنها ويقومها بالسلامة هي والبيبي ان شاء الله

اختك ام فطومه