اقتباس:
المشاركة الأصلية كتبت بواسطة وانا اموت فيه
اخوي عندي اقتراح للاستراحه الي بيكون فيها زواجك
بدال ماتاخذ من الاستراحات الي بنظام القاعات
خذ لك استراحه ساحتها كبيره وفيها مسطحات خضراء بمساحات كبيره وبتلقى اسعارها ما تتعدى 6 آلاف
ويكون الزواج عائلي بس مكبر شوي
حطو طاولات وكراسي على حسب المعازيم ووزعوها على الثيل ومنصه واستريو واشرطة طقاقات والعشا من مطعم انتم تتفقون معاه
هذا بالنسبه لاستراحة الحريم أما الرجال بتلقون أكيد استراحه قريبه من حقت الحريم وممكن ما تكلف أكثر من ألفين أو ثلاثه
حضرت زواج وزوارتين كانت مرتبه بهالترتيب شغل مرتب وغير مكلف
بس لازم ما يكون الجو برد أو احتمال امطار عشان ما يحوسكم
|
كلام جميل اختي الكريمه
لكن مثل ماقلتي راح يكون برد الفتره الجايه من بعد الاضحى وطالع
الحلول للي يبي يقتصد كثيره بس هل بيقتنعون!
اذا الكل اهلك واهلها يبون استراحه بنظام القاعات وطقاقات وخساير وش نقول؟
تدرون في ملكتي والله حسيت انه عرس اهلي واهلها وشوي معازيم من القرايب مره
وشغلوا المسجل عند الحريم وكيكه كبيره
واربع ذبايح طبعا على اهل العروس
بعدين خلوني اجلس معها
وانا افكر لو صار العرس بهالبساطه
وش راح يصير؟
والله يطلع احسن وابرك من الف قاعه وقصر
عموما انا بحاول اقتصد فيه قد ما اقدر
والي يبي احسن الله يقويه يدفع الفرق