السلام عليكم ورحمة الله ..
تقدم عريس لابي قبل مدة و لم يحدد اهل العريس اي بنت من بناته اختاروا .. وكان العريس في نفس عمري .. و كان ابي يريد ان يزوجني انا .. لاني انا الكبيرة .. عارضته في البداية لانه في نفس سني بل و اصغر مني بـ 6 شهور .. لكنه اقنعني هو وامي به .. عملوا لي غسيل دماغ .. لدرجة اني خلاص اصبحت موقنه ان زواجي في هذه الصيفية .. رغم عدم قناعني بهذا العريس لقربه من سني ..
اصر عليّ اهلي ان اذهب الى الكوافير قبل ان يأتي اهله .. انا جميلة والحمد لله .. لكن من زود فرحة اهلي فيني ..
جاء اهله و دخلت عليهم .. و رأوني ..
بعد كم يوم ردوا على اهلي بأني كبيرة على العريس .. و انهم يبون يجون مرة ثانية عشان يشوفون البنت الثانية الصغيرة ..
ابي رحب بكل سرور .. !!!
و جوا اهل العريس و شافوا اختي .. وعجبتهم و خطبوها ..
وقبل بهم ابوي.. و زواجها قريب ..
ابوي يشوف الموضوع عادي و أن من حق اهل العريس انهم يطلبون اي بنت و يشوفون كل بناته ..
و بصراحة انا ما الومة العنوسة كثير .. و بدل ما تطول اختي مثلي .. خلها تتزوج ويخلص من ذمتها في رقبته ..

وانا ؟؟!!! ايش رايكم صار فيني .. وش الاحساس اللي جاني ..
طبعا اي شاب لن يحس ولا بربع اللي اشعر به .. ممكن ان اي بنت تحط نفسها في موقفي و ممكن انها تتخيل الشعور اللي احسه ..
كرهت نفسي و كرهت العالم و ظلم المستقبل امامي .. بل و نفرت من اختي .. رغم تأنيب ضميري .. لكن والله غصب عني .. اشعر بعض الاحيان اني اكرهها .. خصوصا عندما يطلبها ابي و امي في السر في غرفة مغلقة لمناقشتها بأمور زواجها . اشعر بنار تحرقني .. خصوصا لاني البنت الكبرى على كل اخواني و لان من صغري كان اهلي يحسسوني بأني انا القدوة انا الكل في الكل ..

انا راضية بقضاء الله وقدرة .. بس شعور فظيع ملازمني من مدة طويلة .. صايرة كل حياتي تمثيل عشان ارضي امي و ابوي .. صايرة اكره نفسي .. قاسية على نفسي بشكل فظيع .. و صايرة حساسة مثل الطفلة .. دمعتي في طرف عيني .. اكره اشوف الناس و اخالطهم .. اكره اني اجلس بالبيت مع اهلي .. صار عملي هو حياتي .. و كأنه هو الهوا اللي اتنفسه انتظر وقت الدوام بفارغ الصبر لأنه هو ذاتي و هو اللي يحسسني بأن لي اهمية في هالدنيا ..

قمة الذل طريقة الخطبة المتبعة في المجتمع .. قمة الاهانه للبنت .. بس نحتسب الاجر عند رب العالمين ..
البنت تكره نفسها وتكره الزواج قبل ما تتزوج .. و كأنها بضاعة للعرض .. و اذا لم تعجب المشتري خرج من الباب بلا رجعة .. لا يدري بأن هناك انسان بمشاعر و احاسيس ..
و المشكلة انني اذا تضايقت انقلب عليّ كل اهلي .. و يقولون "انتي معقدة متشائمة هاذي هي طريقة الخطبة المتبعة بالمجتمع .. ما تبين كذه بتعنسين .."

و تبدلت احلامي بزواج قريب .. الى كوابيس تضايق نومي .. الى خوف وقلق من العنوسة خصوصا ان اختي اصغر مني بخمس سنوات .. و خطابي قليل .. احس كل اهلي يراقبووني يبون يشوفون ردود افعالي تصرفاتي .. فاضطر الى ان امثل و المصيبة انني ممثلة فاشلة ..


ابي مساعدتكم .. ابي ارائكم .. لاني اعيش فترة الله يعلم بحالي فيها ..
الله لا يحط ولا بنت في الموقف اللي انا فيه .. و يستر على جميع بنات المسلمين ..