اختي استهدي بالله وامسحي دموعك واذكري ربك .. صيري اقوى خصوصا حنا النسوان لازم مانضعف لان المراه تتوقع اي شي يجيها او يمر عليها .. لازم تتحدى الدنيا وتتخطى الصعاب وتحط للضعف حدود ..

بالنسبه لمشكلتك .. ادا انتي تحسين زوجك يستاهل وموقصر معك في شي < لاسيما الهدايا < فاعطيه وساعديه ترى كل الاموال راجعه لك ولبيتك ولبنتك ..

اماا ادا تحسيته مايستااهل امسكي نفسك ولاتعطيه .. وقولي له انج بحاجه الفلووس ومن هالقبيل ..

بالنسبه للهدايا في نوع من الرجال معدومين الرومنسيه ..
يعني عادي عنده انه مايجيب هديه او مومتعود على هالنمط .. او ماقط مره شااف ابوه جاب لامه هديه او ماسمع بهل الشي .. ولاتقولين في هالزمن رجال مايعرف جدي جدي بقولش في ونص .. !!

بعد في رجال هو يصرف على المراه ويعطيها ويقول الها شنو تبي وامري واشري .. وكل هدا عنده احسن وافضل من الهديه . يعني يمكن هو يفكر ويقول في نفسه هي حرمتي ومعاي في البيت وانا ويااها واحد وماله داعي الهديه .. لان فلوسنا وحده ( ماتدرين وربي في رجال تفكيرهم كذا ) < واولهم خالي ..

الحيااااء ؟؟ انتين وياه الحين كذا سنه وعندكم بنت يعني وين الحيا في انش تطلبين منه يعطيش ويشتري لش وياخد لش .. حاولي تمحين هالنقطه السيئه فيش .. لان الرجال يحب المراه اللي شخصيتها قويه ولها راي وتامر وتنهي وطبعا بحدود ..

امه ؟؟ ادري انج طيبه وموزعلانه انه عطه ام الدارهم في العيد , بس صدقيني اتوقع ان تفكيره غير وغير .. يعني امه ماتاكل من خيره وهو يعطيها عشانها امه وعشان العيد ويمكن يحسها محتاجه بعد < الله اعلم ..

الحب ؟؟ لو مايحبش ماستمر معاش لهل اللحظه وجاب ظنى منش .. لاتقولين مستمرين عشان البنت لان الرجال يوم يبي يطلق بيطلق وماهمه الاولاد ولاغيره .. والرجال مستحيل يعيش في محل او مع احد مو مرتاحه وياه لان الرجال الزم ماعليه راحته طبعا والكل يعرف هالشي ..

ويااختي العزيزه .. الرجال يفكر بطريقه العقل < عكسنا حنا نفكر بالعاطفه .. وانتي ماشااء الله عليش متزوج من سن بكير .. وشكلش حسااسه .. ويمكن الطريقه الا عشتينها في بيت الوالد الله يحفظه غير عن الطريقه الا زوجش عايشنه ومعيشننشش ايااهاا ويااه !!

شوفي اختي .. اكرر عليش لاتضعفين .. ترى الاهم ان زوجش يصلي ويصوم ومايشرب خرابيط .. والمراه تحمد ربها ادا شافت زوجه وحده عنده سوالف وخرابيط او انه كافر مايذكر ربه ..!!

انتي شنو تبين من الدنياا غير ان زوج يظلل عليش .. والله ناس مو لاقيه فنصيحتي لشش لاتاخدين الحياه من ناحيه العاطفه فقط !! لانش بتتعبين جداااااااااااااااااااااا .. بالعكس .. صيري عاطفه وعقل ووازني امورش خيتو ..

واخر نصيحه اقدمها لش : بالنسبه للهديه .. قعدي معاه وصاريحه حتى لو ماخد وعطا معاش .. قولي الا بخاطرش ومرده برد عليش .. قولي له ترى انا الفلوس ماتهمني وانت مومقصر عللي يبو فلانه عسى الله يخليك لي .. بس انت تعرف المراه عاطفه وتحب ان زوجها يسوي لها مفاجاه او يقدم لها هديه يفرح قلبها فيهاا .. بس احذري انش تقولين له اهلي كانوا يعطوني واني كنت عايشه بعز وبترف .. بالعكس حسسيه انه مو مقصر معاش ..

والله يحقق اللي ببالش ويهدي سركم

باي