اخوي خلنا نبدا من الاول


المهر اشوفه معقول


الذهب كثير 22 الف الا اذا كان عاده عندكم

ممكن الشبكه ما تتعدى عشر الاف وطقم للام ما يتعدى الخمس الاف

وبكذا وفرت سبع الاف اذا مو أكثر

( عادة عندنا الذهب الي من الزوج طقم الشبكه للزوجه وطقم هديه للأم فقط )


وبالنسبه للاثاث اذا اقتصدت أكثر في أسعار الاجهزه المطبخيه والمواعين اتوقع ممكن توفر

وغرفة النوم ممكن من سيتي بلازا غرف النوم عندهم حلوه واسعارهم معقوله

وأثث زياده الصالة الي بتكون مكان جلوسكم باذن الله وممكن تسويه تفصيل بيكون أوفر لك وبيفرق السعر معاك من 6 أو 7 الاف للطقم الجاهز الى 3 أو 4 الاف للتفصيل بس رح لاماكن اسعارهم معقوله ولا تروح للمحلات الي على طريق الملك عبدالله والا الملك عبد العزيز وأمثالها لأن اسعارهم غاليه ومن ناحية الشكل والله محلات التفصيل عندهم موديلات حلوه وناعمه واذا ما اعجبتك الاقمشه الي عندهم ممكن تاخذ القماش من محل ثاني وتجيبه لهم يفصلونه لك على الموديل الي يعجبك

وخل الباقي تختاره انت وزوجتك منها يمديك تجمعلك كم قرش ومنها يكون على ذوقها وهذا الي سواه زوجي

أثث غرفة النوم والمطبخ والصاله وبس والباقي تنقيناه على رواقه


الايجار ما عندي فكره بس مع الغلا احسه معقول


العرس 30 الف اتوقع انها معقوله اذا حسبنا معاها الذبايح


المصروف الشخصي 7 الاف هل هو مصروفك من ناحية تجهيزاتك للزواج؟


هدايا الملكه مثل ماقالو الاخوان ممكن أول هديه بعد الملكه وهدية أول يوم بعد الزواج هي الي تكون قيمه وباقي الهدايا تكون بسيطه والي تقدر عليه حتى ما تتعب بعد الزواج وتكون هي عارفه قدرتك الماديه وحاسبه حسابها


وتمشيتكم صرفيتكم فيها معقوله وانا مع التمشيه بعد الزواج والسفر


والله يكون في عونك ويسهل امورك ويتمم لكم على خير

ويجعلك سبب سعاده لها ويجعلها سبب سعاده لك في الدنيا والآخره

ويرزقكم بالأبناء البارين


ولي سؤال أخوي انت ما جمعت لك كم قرش من قبل لا تفكر في الزواج ؟!