والله يا دلع منا عارفة شو اقلك
بتقولي ضيعتي 3 سنين معاه
طيب ال3 سنين بعتقد انها كافية ووافية تضيعيها من عمرك معاه
لما تتزوجي حتكملي ضيعان سنينك الباقية وتيجي تقولي ضيعت 20 سنة معاه
مابقلك اتركيه لكن بصحيكي
ازا تحملتي 3 سنين فممكن تلحقي حالك من باقي عمرك
مش تروحي تتزوجيه بس عشان 3 سنين وتقولي هلأ لو تركتو منظري مش حلو
مش مهم منظرك المهم راحتك

يعني

لا علم ولا مال
لا لسان حلو ولا معاملة حسنة
قاهرك ومزهقك عيشتك من يوم يومك
انا من وقت معرفتك عالمنتدى بشوف مواضيع الشكوى منو

طيب ايش الي مخليكي صابرة وساكتة الحب؟والله شوفي عن تجربة الحب لوحدو مابعمل شي
يعني التفاهم و التوافق ضروريان
وفي حديث لسيدنا عمر بن الخطاب بقول ليس كل البيوت تبنى على الحب

فازا عشان خاطر الحب بكرة لو تزوجتيه وضليتكو هيك ماحتحسي للحب قيمة ابدا مجرد عزاب

الحب في حالتك حيعلقك فيه وخلص

فكري كويس
يعني لو مافي مال او علم بس لسانو حلو ورومانسي معك كان قلنا في ايجابيات

بس يعني بعايرك بعلمك وبحكي عنك مابتفهمي
ومابسمعك كلام حلو
وبعزبك هيك

مش عارفة ايش الي مسكتك

بعدين صراحة مستواه العلمي كتير بعيد عنك
بس صدقيني لو مبسوطة معاه ماكنت قلتلك هالكلام وكان قلت طز في كل العلم والشهادات ازا لاقية السعادة معاه

اسفة لكلامي القاسي

بس انا بزعل لما الاقي بنت مضيعة عمرها وحالها مع انسان مابستحقها
ومش قادرة تتركو

وبس مابشوف منها الا الزعل والبكا والدموع
انو ليش تعملي بحالك هيك

قدري نفسك وحبيها واعطيها الي تستحقو
واكيد انت حاسة حالك تستحقي الحب والمعاملة الحسنة

ازا هلأ مابسمعك كلام حلو
امتا ناوي يسمعك
انا بسمع عن الخاطبين بعضهم بكون لسانو زي العسل في الخطوبة وممكن يتغير بعد الزواج

يعني بسمع الناس بتتجمل وبتكون رومانسية وقت الخطوبة

مش العكس

فكري واحسبيها ولساتك عالبر
ديري بالك واحسبيها منيح

خدي قرار واعملي استخارة بعدها عشان الله ييسرلك الخير وبس

سامحيني لو كلامي قاسي معلش بس حبيت اوعيكي

رغم اني عااااااااارفة ومتاكدة مش حتسمعي من كلامي شي

وحتهزي راسك وتتاثري خمس دقايق

بعدين ترجع ريما لعادتها القديمة

سامحيني بس بدي مصلحتك وبعز علية اشوف حد بتعزب وهوة قادر ينفد بجلدو قبل فوات الاوان

__________________