أختى وحبيبتى بنت غامد13 السلام عليكم ورحمة الله
أولا أحيي فيكى صبرك وعقلك
بس ما أعرفش ليه كنت حاسه ان الأمور هتوصل لكده من فتره وياريتنى حذرتك من يوم ما كتبتى لنا عن كلامه لما قالك فيه حريم ما يجوش غير بالضرب وحسيت انها كانت رساله موجهة اليكى منه وكان المفروض وقتها على طول رديتى وعرفتيه ان ده لو حصل هتبقى نهاية حياتك معاه . وحتى بعدها لما نزلتى موضوع عن الكارت الأحمر بين الزوجين وامتى يطلع انا فاكره انى قلت لك يطلع عند الخيانه وعند الضرب وفعلا ما فعلتيه كان صح وانا لو مكانك كنت سيبت البيت فورا لكن والله هو صعبان علينا كلنا هو واقع تحت ضغوط شنيعه من اهله ومن مشكلته مع اخوكى وكمان دلوقتى خسر آخر بنى آدمة كانت واقفه معاه وانا فعلا خايفه ليعمل حاجه فى نفسه ووقتها هتلومى نفسك أشد اللوم ولذلك ارى ان تحلى الموضوع بسرعة قبل ما يتطور الى شيئ لا تحمد عقباه وليس معنى كلامى انك تتنازلى ابدا عن كرامتك او انه مش غلطان لكن معناه انه لازم يتحل فى اسرع وقت والا حد من اهله يروح يقعد معاه لحد ما المشكلة تتحل. ربنا يهدى سركم ويوفقكم. وسأظل متابعه الى ان تحل المشكلة ويأتى الفرج ونبارك لك باذن الله وترجعى بيتك.
التعديل الأخير تم بواسطة sa33 ; 29-09-2008 الساعة 05:16 PM