المشاركة الأصلية كتبت بواسطة الفهدي25

اخوي يالمخضرم ..

انا كنت نفسك افكر .. مع ان مصاريف العرس عندي والاثاث وغيرة ماراح اتقل عن 270 الف درهم .. تخيل
بس صدقني .. طنش الموضوع .. وبس اخلص النية لله عز وجل وربك بيساعدك
صدقني مافي احد توهق في العرس .. وفي امور كثيرة تقدر تتنازل عنها في الوقت الراهن

بس والله اعمل بنصيحتي .. وطنش لا تفكر .. والله على هذيك الايام كنت ما انام الليل من التفكير وقول من وين بجيب كل هالمبلغ .. واظل واعي لي الصبح .. واحلام و كوابيس مالها اول ولا تالي

في النهاية قلت رب العالمين بيساعدني .. بيعطيني من فلوسه لانه قايل في كتابه " وفي السماء رزقكم وماتوعدون " مو مخلي مكان في القرآن ومب ذاكر فيه ان الرزق بيده

وصرت اقول يارب .. انت قلت في كتابك انك تبسط الرزق لمن تشاء وتقدر .. فابسطه لي .. وقلت وفي السماء رزقكم وماتوعدون . وان عندك خزائن .. فمن علي واعطني منها يارب وارزقني

وقول اللهم يا مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شي قدييــــر
وانا متأكد ان سويت الي خبرتك عنه 100% راح تحصل لك معجزة .. وان حصــلت ياليــــــــت تخبرنا فيها

بارك الله لك