اقتباس:
المشاركة الأصلية كتبت بواسطة seham1405
اخوي 52الف هذي لازم اعتقد على حسب عاداتكم؟؟؟
بالنسبه للاثاث ليه كل هالمبلغ وكم غرفه اصلا الشقه انا برأيي تخذها الاهم فالمهم يعني تأثيث غرفة النوم وغرفة
استقبال الضيوف وغرفة معيشه والمطبخ كفايه ولاتتهور ودور الرخيص ونوع مو شرط كلها غاليه او رخيصه وان شاء الله تكفي
ثلاثين وتزيد والزياده حاول تفكر في الشي المهم من الاثاث تكمله ........
وبالنسه لحفلة الزواج صراحه ماودى شبابنا الا هالمصاريف في الاعراس والله المستعان اخواني الكبار عملوا العرس تقريبا
بأكثر من مية الف وللاسف ان واحد فيهم غرقان بالديون الى الان ومو قادر يتخلص منها ليه؟؟كل هذا ...؟
انا برايي انك تسوي حفله بسيطه وتدور على قاعه رخيصه والطقاقه وغيرها حاول انك ماتبالغ بدفع المصاريف عليها والله هي
ليلة وحده ولازم تفرحون فيها بس مو بالمبالغة ........لانه حرام تقضي حياتك بالديون بعز شبابك كفاية القرض اللي
اخذته ... وبالنسه للمصروف الشخصي والهديا وغيرها احس كثير 5000 على الهدايا ليه كم الفتره بين الزواج والملكه ؟؟؟
الهديه ممكن تكون رخيصه ولها معنى كبير مو شرط انك تشتري بمبلغ يكسر ظهرك حنا البنات نهتم بهالاشياء بس صدقني
اذا حست بمشاعرك الصادقه وحست ان الهديه طالعه من قلبك بتتقبلها بكل رحابة صدر .........
في ختام كلامي هونها وتهون ولاتعقد الامور وتوكل على العزيز الرحيم الرزاق الكريم .........والله يسعدك ويهنيك ويطرح لك
البركة ويرزقك وييسر امووورك ...........
|
الله يكملك بعقلك اختي العزيزه سهام
صح انا راح أبدا بتأثيث غرفة النوم بعدين الصاله الي هي مكان جلوسنا ومجلس الرجال
باقي غرفه بخليها فاضيه لبعدين
ومجلس الرجال بحط فيه جلسه ارخص من الكنب باهتم بالصاله لاننا بنجلس فيها
وان شاء الله مايوصل الاثاث لثلاثين اذا اخواني من الأب بيساعدوني بمكيف وفرن وثلاجه على كلامهم
بس انا احسب على اسوء تقدير تعرفين مافي شي مضمون الضامن الله
وصدقتي الهديه مهما رخصت يبقى معناها اذا هي من القلب
سعيد بتواجدك المتألق اختي سهام