اخوي اسمع كلام مجرب ولا تسمع كلام طبيب انا صار لي مثل الي صار لك وكنت وكنت كمان دائم اكتب مشاكل وخواطري في هذا المنتدى ولكن بعد الصبر الحمد لله هذا هو حالي الأن
لا تتعجل البنت تستحي منك بعدين اخوي انا صار لي مملك 8شهور و14يوم كنت دايم من يوم ملكت عليها وانا دايما اقولها من كلام الحب والرومنسية والغزل والشوق ولا القى اي رد ولو بالمثل المهم كنت متضايق وزعلان لكن ما ابين لها شي صح انه في بعض الأحيان يصيبني الملل ولا اقدر اجيب كلام جديد لكن ما عمري قطعت الكلام عن حبي لها ولا بخلت وصبرت واحتسبت وكنت احس اني الحب الي انا احبه من طرف واحد لكن بقيت على وضعي وصبرت المهم قبل شهرين تقريباً سافرت الى مكة تأخذ عمره مع اهلها المهم رجعوا من السفر وكنت انا وقتها متضايق من الي يصير معي وصارحتها بأني متضايق من تعاملها معي فقالت لي انا تغيرت يا فلان وراح اقولك الي في قلبي قالت انها ما كانت تميل لي وقلت لها ليه انا مقصر معك في شيء قالت لا بس انا احبك الحين وابغى نفتح انا وياك صفحه جديده قلت لها اول ما كنتي تحبيني قامت بكت وبعدها مدري ايش صار لأن هذاك الموقف ما راح انساه طول عمري والحين الأيام هذي احس اني عايش قصة حب ما عاشها لا عنترة ولا قيس ولا روميو
نصيحتي : عليك بصبر ثم الصبر ثم الصبر
الله يوفقكم ويخليكم لبعض ويوفق الجميع آمين