يا بنتى ده نصيب ولولا اختلاف الأ\واق لبارت السلع وكل فوله ولها كيال وتأكدى انه ان كان مصيبك ما كان أخطئك لكن نصيبك ببساطه لم يأتى بعد وان شاء الله ربنا يكتب لكى اللى احسن منه وانتى مش عارفه الخير فين يمكن كان شر وربنا بعده عنك وانتى مش كبيره ولا حاجه وياما ناس أكبر منك و اتجوزوا وخلفوا يعنى الحكاية مش بالسن وطبعا انا مش محتاجه ا\كرك ان ربنا كاتب لك مين هيكون زوجك من وانتى لسه ببطن امك يبقى ليه الزعل. انتى عارفه وانا لسه فى الكليه ( طبعا ده من سنين كتار) تقدم لى عريس وكان عاجبنى جدا ولكن راح وما رجعش ليه لأن أهلى سألوا عنه بطريقه مش كويسه(واحد قريبنا ضابط بعت مخبرين لبيتهم يأخدوا معلومات عنه!!!! غباء يعنى ) وراح وما رجعش وانقهرت زيك كده وبعدها بأربع سنين اتقدم لى زوجى الآن وهو أحسن منه فى كل شيئ والحمد لله ودلوقتى بأحمد ربنا انى ما حصليش نصيب مع الخطيب الأول .