المشاركة الأصلية كتبت بواسطة الفهدي25

انا قريت موضوع الدكتور الصغير من فترة ..وبصراحة كلامه كله عجبني إلا في هالموضوع بصراحة اعارض وبشدة

دايمن الزين يغطي على الشين .. لو كان فيه شيخ دين كبيير .. ويتكلم في كذا موضوع وكلامه كله سليم .. اللهم اخطأ في حديث واحد او في معلومة وحده .. انصدقها على طووول لانه فقط شيخ او عالم دين و يفهم اكثر منا ..

واغلب الرجال لو ما تكلموا مع زوجاتهم فترة الملكة .. راح ينفتح لهم المجال اكثر بانهم يطالعون غيرهم.. خاصة في زماننا هذا زمان الفتن..


شوف .. الشي لي زاد عن حده انقلب ضده ... العدل بالامور شي طيب .. واحاول اني اكلمها
وسولف معاها واتعرف عليها ..ونتحدث في الامور المهمة والغير مهمة .. ( لكن ما نكلم البنت 5 ساعات او نتصل 5 مرات باليوم .. هذا الشي أكبر غلط.. ) وصحيح كلامك.. بالضبط مثل ماقلت ان الازواج ماخلو شي لبعد الزواج يتناقشون يصير سوء تفاهم وكلام وكأنهم ازواج .. وماتعرف شو راح يصير بعد الزواج .. إما صدمة او شك او اي شي من هذا القبيل .. لان لو تحدثت مع شخص لوقت طويل جدا جدا .. فرص الخلافات والشك والصدمة راح تزيد كلما زادت مدة الحديث ... لكن مش معى ذلك ان الرجل تستهلك طاقته عاطفيا !


كيف يقول ان طاقة الرجل العاطفية تستهلك بسرعة ؟ هل هي بنزين مثلا ؟ طيب ولو تزوجت كم شهر راح يقدر ينفذ هالطاقة؟ .. طوول ما الرجل ان يكلم مرته ومادخل عليها ولا شي بيضل في شوق ولهفة .. بالعكس راح يتعذب اكثر .. الرجل في هالوقت كأن مربوط الايدين وحاطين زوجته قدامه ينظر إليها ليل نهار وينتظر الوقت الي يفكون وثاقه ويحضنها.



زبدة الكلام شيئين لا إوافق عليهم في الموضوع ان الواحد مايتكلم إلا في الامور الضرورية ..( يعني يا ابيض يا اسود؟ )

والشيء الثاني ( ان الرجل تستهلك طاقته عاطفيا ) هالجملة مش مهفومة .. يمكن الدكتور يقصد فيها شي احنا ما نفهمه ..

تقبلوا تحياتي