شوفي يالغاليه

اول شئ زوجك الله لايهينه يروح لاقرب محل كبير لبيع المواعين ويشتري السكين الخاصه بتنضيف السمك وبما انه راعي صيد اكيد متوفره عندكم

وهمن عاد تنظفيه من الصدف بالسيكنه الخاصه تحكين الجلد حك باتجاه عكسي وعقب لاخلصتي من سالفه التصديف تقومين تقصين الزعانف بسكينه حاده

وبعدها تغسلين السمك بمويه وتحطين عليها خل وطحين علشان يطير الزفر منها

وبعد 10 دقايق تحطين بهارت منوعه انا عني مسويه خلطه خاصه مكونه من

ملح فلفل كركم زنجيبل قرفه دارسين زعفران هيل ثوم واذا حابه تزيدين الكزبره المطحونه طبعا الي سبق ذكره كلهم يكونون بورده

وتخلطينهم وتحطينهم بعلبه وبالفريزر يكونون تتبيله خاصه بالسمك

وطبعا تتبيلن السمك من برا ومن جوا وفي حاله اذا كنتي بتشوينه تشقين بطنه وتنظفينه بمويه وتحطين فيه خلطه مكونه من بصل طماطم كزبره بقدونس ثوم وفلفل حار وملح وبهارات تخلطينهم وتحشينهم بطن السمكه

وباقي الخلطه تنثرينه على السمكه من فوق ومن تحت وتحطينها بصينيه الفرن وترشين عليها زيت زيتون وتدخلينها الفرن وتسوين جنبها بطاطس مقلي او رز وبس وبس

وتمتعي باحلى طعم

__________________