أختي مدام آلاء..
تفاصيل موضوعي أنا مليت من اني أحكيها لكن باختصار هما طلقوني غصبا عني من خطيبي اللي كان كاتب كتابه عليا.. ووقتها سمعت منهم كلام دمرني نفسيا من تهزيء واهانه لا سبب لها ولا مبرر..
الموضوع كان قد بدأ بعلمهم وكانوا موافقين ولكن بكل عجرفة غيروا رأيهم!!
ومرت أكثر من أربع سنوات وأنا بين هم واكتئاب وتركت البلد اللي هما فيها ورجعت بلدنا وعانيت أكثر من الوحدة
والان بيجبروني على العمل علشان أصرف على نفسي رغم انهم ميسورين جدا والحمد لله، ودايما كانوا يذلوني انهم بيصرفوا عليا، واني لسه ما تزوجت رغم انهم السبب في طلاقي، وتركوني لوحدي رغم اني كنت محتاجه لهم، وضيعوا عليا ناس كانوا حيتقدمولي لأنهم كانوا تاركيني وحدي، ولم يفكروا أبدا أن يبحثوا لي على زوج مناسب، كل ما يفعلوه هو أن يرموني بالكلام الجارح بالكذب والافتراء..
والان اشتغلت علشان أصرف على نفسي ورغم ذلك دايما يقولولي انت ما بتدفعي شيء في ايجار البيت ولا أكلك وشربك، رغم انهم أغنياء والحمدلله، وأنا مرتبي يدووووب بيكفيني، وأنا والله بشتغل بالعافيه مجبره
ووالله أوقات كتير لا أقدر على العمل وأحيانا كثيره أبكي وأنا في المكتب ويكون شكلي بايخ أمام الناس لدرجة اني أحيانا أدخل الحمام وأبكي حتى لا يراني أحد..
ودايما يخوفوني من المستقبل، أبويه دايما يقول لي انت بكره هتشحتي ومش حتلاقي تاكلي؟!!
رغم اني أصلا عندي اكتئاب ونفسيتي تعبانه وحتى تعبت من الحياه في البلد اللي أنا فيها لأن الحياه فيها صعبه وكل أخواني عايشين في البلد اللي تربينا فيها وبيشتغلوا وعايشين مبسوطين ومرتاحين، وأنا مضطره أفضل في بلدي عشان أكون مع أختي اللي بتدرس في الجامعه ،
حاسه انهم ظلموني ظلم كبييير وما باليد حيله ..
كنت محتاجه أحد يطمني ويقف الى جانبي مش يحطموني أكتر
الله يفرج همي ويرحمني ويرزقني بانسان طيب يحافظ عليا..
__________________
