اختي الله يعينك..
اول شئ اختي خليك واثقه من نفسك..
ثاني شئ لاتقارنين نفسك في احد عشان ما تتعبين..
ثالث شئ لاتخلين الامور التافهه والشكليات تدمر حياتك..
رابع شئ .. والاهم استخيري الله طول الوقت. وربي يسعدك..
احنا شنو دمرنا غير الشكليات والمظاهر والاحتفالات اللي كل شوي احتفال...
قصتك جدا حزنتني ..بس ذكرتيني بوحده اعرفها شخصيا..كانت ملكة لفترة طويلة وبانت عيوب خطيبها.. وقبل عرسها بكذا شهر انفصلت عنه.. وفي ذيك الفترة خطبها ثاني..وافقت بس الشيخ رفض لين تتم العده.. وحددوا موعد العرس في نفس الوقت اللي كانت محددته مع الاولي.. وصار ماتخلص عدتها الا قبل العرس بسبوعين.. وملكت قبل عرسها بسبوع..
والحين مرتااااااااحه جدا معه.. ويحبها بجنون..وعندهم بنوته.. شوفي قصتها مثل قصتك.. وهي بنت عائلة ثرية وعندهم احتفال وره احتفال.. بس ولا شئ سوت.. وواثقه من نفسها...
عاد انتي. لاتزيدين همك هم.. وتفكرين بالشكليات.. اللي ممكن تخرب عليك العريس وفرحه ليلة العرس.. وتوكلي على الله..
واحمدي ربك.. جالك عريس ثاني وصفاته زينة...وافرحي بالعرس..وووجود خال معك ومعين لك ذي نعمه كثير محرومات منها..
وبالنسبة لليتم ولانك يتيمة والله يرحم والديك.. ززميله لي
يتيمة ومريضة..واخوانها ولا سائلين فيها اي عريس يجي يرفضون..والحين هي بالاربعين... تتمنى لو فيه زوج حتى لو على ضراير.. او فيه عيب اهم شئ تجيب طفل..
يعني اختي فترة الملكة وغيره كثير يحلمون فيها.. بس هي مده وتزول..انتي خلي همك بعد العرس ولاتفكرين بالملكة كثير.. شئ ومضى.. اهم شئ بعد العرس تعيشين سعيده مع زوجك.. وملكة في بيتك..ويكون يحبك ومتفاهم معك..
كثير بعد فترة ملكة جميلة عاشوا حياة زوجيه تعيسه...
لاتخلين هذا الشئ يفقدك ثقتك بنفسك.. وتصيرين تعملين حساب لك شئ وتصيرين حساسة..ممكن ياثر عليك بعد الزواج..ولاتقارنين نفسك في احد ابدا..
مو كل شئ بالدنيا تمنيناه لقيناه على اللي نبي..لكن نخفف على نفسنا ونتيقن انه الرزق من الله...وهذاا قدرنا ولازم نصبر ونحتسب...
__________________
قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء