زوجي جا امس وبعد فتره ابوي ناداني وناداه لانه شاف له وقت موجود ولا قال شئ وقالي لازم تكلمو بعض
ولما دخل انا عادي وحسيت اني مو قادره اطالع بوجهه وبنفس الوقت نفسي انهي الموضوع لأني طفشت
المهم انا بس رديت السلام من بعيد وبس سأل عن البنت وايش اخبارها وشوي قال تبغو شئ قلتله لا قال طيب يلا انا ماشي
وطول الوقت استناه يفتح الموضوع بس ما اتكلم وطلع
وبعدها انا حاولت اتعوذ من الشيطان وقلت اعتبري جيته حتى لو اسبوع ما اتصل اعتبريها محاولت تراضي
وبس بعدها دقيت انا عليه بس مارد
واخر الليل رجع البيت عند اهلي وكلام من هنا وهنا وضحتله سبب زعلي
بس يقول انا انتظرتك تدقي وتسألي (المشكله حتى بهذه يحط اللوم علي انا )
المهم وقالي لما جيت اليوم مكشره ومالك خلق تتكلمي
قلتله عشان مطنشنا اسبوع ولا ودك ارجع معاك البيت ووووووو
المهم بعد ماوضحت له بعض الأشياء قلت بنفسي ماودي ازودها بالنقاش عشان ما اجيب العيد
وغير كذا وبصراحه بعد ماحطيت موضوعي بالمنتدى صرت اشوف المواضيع الباقيه واشوف المشاكل والمصايب الي يشتكو منها بعض العضوات والأعضاء
وقلت الحمد الله على كل حال ولازم اكون قنوعه بالي ربي كتبه لي لأنه من جد (القناعه كنز لا يفنى)
وادعولي ربي يصبرني ويقويني على الي ربي كتبه لي
ويارب يهديه ويصلحه
ومن جد اشكر كل من رد عل بالموضوع سواء من نصيحه او لوم او دعاء او مواساه
وكل كلمه استفدت منها
صحيح انه اول موضوع بحياتي اكتب فيه شكوى عن حياتي الزوجيه وان شاء الله يكون اخر موضوع
ولا تنسو اختكم R M A من الدعاء دائما وخصوصا بالشهر الفضيل