حاسين فيج يا عمري و أتوقع كثير من المتزوجات ابتسموا و هم يقرون موضوعج لأن كثير منا مر بهالشي ..
شوفي حبيبتي هو يعتبر هالشي طبيعي ، صدقيني ما عنده أي فكرة عن إحساسج لأن طريقة تفكيرنا تختلف عن تفكير الرجل ، مثل ما قالوا الإخوان وضحي له بس برفق يعني لا تذمين الأسلوب ، بس بيني تأثيره عليج ، وضحي له إنج و لله الحمد مو متعوده على هالمواضيع و الألفاظ " الجريئة " و إنها عادية بالنسبة له لكن جارحة و مؤذيه لنفسيتج " هو راح ينصدم" ، فهميه إنج بس تحتاجين شوي وقت و بعد الزواج راح تنسجمون و تكون الأمور أكثر سلاسة ، إنتي بس هدي أعصابج و تعاملي مع الأمور بسلاسة ، مثل هالأمور البسيطة استخدمي فيها السياسة و ابتعدي عن الإصطدام ...
على فكرة ..حاولي في هالفترة تقرين أكثر عن الرجل و تفكيره ، و ضروري تطلعينه و تشاركينه في هالمواضيع، لأن شكله و الله أعلم ما عنده خلفية عن نفسية البنات و تفكيرهم .
تمنياتي بحياه سعيدة و هانئة