منتدى عالم الأسرة والمجتمع - عرض مشاركة واحدة - التفاهم والانسجام بالزواج هو الأساس ... وهذه مشكلتي

16-08-2008, 05:24 PM

#10

R M A

عضو جديد

تاريخ التسجيل: Aug 2008

المشاركات: 49

هلا اخوي عزوبي بس رجل

اول شئ احب اذكرلك اني ببيت اهلي وما اقدر ارجع بيتي غير اذا هو جا اخذني لان بيتي مو بنفس المنطقه الي فيها اهلي
وغير كذا هو الي رافض ارجع للبيت بحجة الظروف الماديه الي لها فتره ولا انتهت على اني ما طلبت منه شئ وقلتله عادي نمشي نفسنا بأي شئ الفتره هذه لكن القهر لما اشوفه يصرف بأشياء ثانيه ويقولي ماعندي

اما بالنسبه لسؤالك

اقتباس:

أنت قلت أنك بترجعين لبيتك ، تقصدين أنتم ساكنين بيبت أهل زوجـك؟ أو ساكنين لحالكم..؟

السكن لوحدنا بس هذه الفتره انا عند اهلي

اقتباس:

هل عند زوجك طموحات وظيفية أو أكاديمية ؟ ما ذكر لك يوم مثل كذا ؟ سواء قبل الزواج أو بعده؟
وما مستواه التعليمي ؟

اكيد مثله مثل اي واحد له طموحات يأمل فيها من ناحية الوظيفه ومستواه التعليمي دبلوم بعد الثانويه

اقتباس:

من الأيام الأولى من بدايات زواجكم ، هل كان بارد تجاهك ، مهمل ، يعني لاحظت أو استنكرت شيء
من تصرفات وتغير معاملته تجاهـك؟

اصلا من بداية زواجنا وانا احس اهتمامه بسيط وكانت في مشاكل من اول شهر من زواجنا لكن مثل ماذكرت ما كنت اتكلم واتنازل بسبيل الحياة تمشي
يعني الي اقصده اهتمام سطحي جدا مو زي اهتمام اي زوج بزوجته

اقتباس:

ذكرت أنه ما في تفاهم بينكم وأنه إذا حصلت مشكلة بينكم يطلع برا البيت؟ تذكرين أول خلاف بدر بينكم
وطلع زوجك من البيت ولا عاد كلمك؟ إيش المشكلة وكيف كنت تفتحين مع الموضوع؟

اول خلاف كان واحنا لنا بس اسبوعبن متزوجين وكان سببه قلت اهتمامه فيني وخصوصا واحنا بشهر العسل
وعادي اذكر كنت اتكلم معاه بهدوء ولما جابلي موضوع الماده قلتله ما يهمني قد ما يهمني راحتنا مع بعض
على فكره في نقطه ودي اذكرها في ذيك الفتره واحنا بشهر العسل بعد الخلاف طلب مني اقعد عند اهلي لمدة اسبوع حتى يتحسن وضعه وبعدين ياخذني بس طبعا انا رفضت بشده لانه صعبه وانا توي متزوجه اتركه واقعد عند اهلي على انه هو الي طلب هذا الشئ

وانت ذكرت كمان

اقتباس:

ألاحظ أنك عجولة ولا تنتبيهن لما يقول والدك، يعني تنغمسين في
مشاعرك دون انصات أو تفهم لما يقول أبيك ؛ فهل انتبهتي لما قال أبيك ..؟!!!

انا ذكرت انه ما تكلم بشئ غير الصبر وانه لازم اصبر وكان يسألني مثلا متى تكلمتي معاه او ايش قالك يعني اسئله كذا وهو الي لجأ للصمت
وانا احساسي انه ما أخذ الموضوع بجديه خلاني اتكلم معاه بأنفعال حتى يتخذ القرار الصحيح

على العموم اشكرك على اهتمامك بموضوعي ..... ويارب يبعد عننا المشاكل والاحزان