اتوقع لو ارسلت له رساله جوال نصها كالتالي قد يكون لها تأثير في نفسه :
صح انت لك مواقف معي ومع اخوتي وهذا الشي لا ننكره واللي بيجازيك عليه مو انا واحد اكرم مني ومنك الله سبحانه اللي مايضيع عنده لا صغير ولا كبير لا خير ولا شر واللي قدمته للايتام اجره كبير انا متأكده من الشي هذا وانت اكيد عارف هذا الشي لكن مهما كان اللي قدمته اذا ما قدمته لله وترجي الاجر منه ماراح اقبل انه يكون سبب لإذلالك لي واهانتي أو يمكن قلت في نفسك كسيرة جناح وبتتحملني غلطان اذا توقعت كذا تأكد ماراح اموت من الجوع واللي مريت فيه وانا صغيره ماعاد يأثر فيني وانا كبيره لكن انا تحملت لأني أقول في نفسي المشاكل بكل بيت واتحمل لأني أقول بيجي يوم بعد هو بيتحمل عشاني ومو بس عشاني وعشانك لأجل أولادنا اللي مالهم ذنب إلا إننا أهلهم وأمهم ذاقت مرارة الحياة صغيرة وذوقها أبوهم مرارة الذل والإهانة وهي كبيرة بدل مايمد يد العون مد عليها اليد بكفوف وبدل مايصير لها الحاضر والمستقبل اللي ينسيها الماضي والدنيا كلها صار الواقع اللي ذوقها المرار 13 سنه وبالنهاية إهانة .