منتدى عالم الأسرة والمجتمع - عرض مشاركة واحدة - ما هي أطول فترة قضيتها بعيداً عن أهلك وطنك؟

11-08-2008, 04:57 PM

#14

أبو أحمد

عضو نشيط جدا

تاريخ التسجيل: Apr 2007

المشاركات: 4,618

أختي الفاضلة حاملة الهم

اقتباس:

المشاركة الأصلية كتبت بواسطة حاملة الهم

السلام عليكم ورحمة الله وبركاته ..

وعليكم السلام ورحمة الله وبركاته

قلبت المواجع علينا اخوي بو أحمد .. تصدق اني كنت برد عليك اول ماكتبت الموضوع بس قعدت اصيح وقلت بكتب لما اهدى .. مع انه اطول مده ماشفت فيها اهلي هي 11 شهر .. بس والله ماتتخيل اشلون صعبه وانا اللي كنت متعوده على جو العيله وبيت ابوي كل يوم فيه يمعه لخواتي وكل اسبوع جمعة العيله الكبيره ..

معذرة أختي لتقليب المواجع وفتح الجروح

ومع اني احب الغربه وااايد لاني وايد استفدت منها لانها كانت فرصه كبيره لاني اغير اشياء وايد في شخصيتي .. لكن الحين جدي تعبان ومرقد في المستشفى .. الله يشفيه ويعافيه والشعور مب حلو يوم اسمعهم يقولون لي انه كانوا عنده وانهم يتناوبون على القعده والنوم عنده .. صار لي سنه ماشفته .. ومن اغمض عيني على طول صورته تطلع الله يشفيه يارب ويقومه بالسلامة ..

أسأل الله الشفاء العاجل لجدكِ وأن يرفق بحاله

اسفة طلعت عن صلب الموضوع .. اسمح لي بو احمد .. اكرر مرة 2 اطول مده كانت 11 شهر .. واخبر يوم رجعت كانت وااايد رحمه في البلاد .. وامي كانت كل شوي تتصل في اخوي " لانه هو اللي كان جاينا المطار وتقول لي : حرام عليج ابوج كل شوي يطلع عند باب الحوش يقول اكيد يقصون علينا وهم عند الباب ..

الله يعييين واسمح لي ع الاطاله مره 2 ..

اختك .
ام فاطمة ..

جزاك الله خيراً أختي أم فاطمة على المشاركة

وصراحة 11 شهر فترة قصيرة جداً أعانك الله على الغربة

أسأل الله تعالى أن يحفظ لك أهلك

وأن يجمعك بهم عاجلاً

كما وأسأله أن يستر عليك في الدنيا والآخرة