ياااااااااااااالهي فكرت حالي عصبية و ردود فعلي متسرعة ومجنونة
طلعت انا ولا شي
وطلع في جنان عنجد هههه بمزح
بس شوهادا ؟؟؟
من الاول حسيت انو زوجك عامل مفاجاة ياحرام عليكي
يعني زوجك طول عمرو مستقيم
ليش شكيتي بس عشان هادا الامر؟؟؟
عنجد حرام عليكي
عفكرة احيانا زوجي بعمل حركات غريبة بس لاني فاهماه بحس انو بدو يعملي مفاجاة وبطلع معي حق ومابعملها مشكلة
مثلا بكون طالع مشوار وهوة كل مشوار لازم اعرف وين وبحكيلي
ممكن مرة يقلي مالك دخل شو دخلك اسكتي
وقتها بسكت وبقلو طيب براحتك
لاني عارفة انو في شي بالموضوع وانو رايح يعملي شي او يجيب ورد او هدية
وبيطلع معي حق وبعمل حالي متفاجاة وانو ماتوقعت ابدا لحتى مايحس انو فاهمة شي
يعني مرات هيك ومرات مابحس بشي
بس يعني فكرك لو انو طالع ومش عارفة وين رايح عنجد بسكت اكيد لا
معقول مش فاهمة جوزك
والله حرام احبطتيه كتير كتير كتير
ومعاه حق يزعل
ولعلمك ردة فعلو باردة بالنسبة للفعل
يعني ياريتك كرمشتي الظرف ولا شي
لا انت بالمقص نزلتي تقصي فيها !!!! كيف اجتك الجراة
وحتى لو مسافر شغل كيف تعملي هيك
ماتزعلي مني
بس زعلت مشانك انا
تعلمي من هادا درس وافهمي زوجك احسن
المهم هلأ حضريلو مفاجاة رومانسية
يعني خليه طالع وحضري اجواء البيت بشي حلو وهيك وشموع ووورد وهدايا وكل شي تقدري عليه
ومساج و دلعيه وكللللل شي وحسب الي باثر بزوجك انت اعملي
وراضيه بهدووووووووووء واحكيلو حياتي انا اسفة انت عارف هبل النسوان وشكوكهم ماتخيلت تتركني وانا لسة بهالوضع
وقطعي قلبو شوي واحكيلو عن شوية مشاعر حاساها بسبب الي صار معك
وكوني رقيقة كتييييييييييييير
والله يعوضك خير عن الاجهاض اختي
اكيد خير انسي الامر وانتظري البشرى من الله
وحكتلك قبل هيك في موضوعك انسي امر الحمل حتحملي وتشوقلي ملك شادي قالت
بس ردي علية
الله يوفقك ويسعدك