السلام عليكم ورحمة الله وبركاته ..

لحقوا علي يا اعضاء منتدانا .. خلاص يأست من هالحمام اللي كل يوم ياي يبيض في بلكونتنا .. وانا كل ما باضت الحمامه قلت حرام اخذ بيضها مسكينه وانطرهم لين مايفقصون ويكبرون واقول خلاص عاد مابخليهم يرجعون .. اروح اليوم ال 2 الا الاخت الحمامه بايضه لي بيض جديد ..

والله يأست منهم والحين بلكونتي وصخه الله يعزكم من الحمام ووضاختهم وماعرف اشلون انظفها .. قررت لو باضت الحمامه اخذ البيض وعاد تروح تدبر راسها شاسوي فيها يعني .. ودي اعطيها اياها بس اشلون بتشيله ..



المشكله اني اخاف من الحمام ولازم انطر زوجي يطلع عشان يطيرهم ..

طلبي لو سمحتوا :

اشلون انظفها الحين اصلا من الوصاخه يعني بالمكنسه الكهربائيه والا اليدويه .. مع العلم انه بلكونتنا فيها اللي نفس السجاد بس الخارجي ماعرف شسمه اللي مثل الحشيش ..


واشلون امنع الحمام يجون مره 2 ..

والله ودي احط لبنتي بركه صغيره او اسوي عشا رومانسي برع .. بس وين مع هالحمام !!

ساعدوني الله يخليكم .

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...