بارك الله فيك اخوي ونعم الولد والله يهني اهلك فيك ويخليك لهم

هالأيام نادرا ما نلقى شباب بعمرك وبمثل برك بأهلك

بارك الله فيك

وتأكد دام هذي هي نيتك بيجيك من الله الخير كثير وان ماكان في الدنيا فهو في الآخره وهي الأفضل

بالنسبه لك ياخوي انك ماتقدر تصبر أول الحلول وأعجلها غض البصر

وخذ الوالده ورح لمكه اقعد فيها كم يوم كثر من الدعاء ان ييسرلك ربي كل خير واستخير أكثر

افتح الموضوع مع الوالده وبهداوه قلها كل الي بخاطرك واطلب منها انها تدعي لك ببنت الحلال الي تسعدك وتحفظ بيتك وأولادك

الوالده يمكن مصره على هالبنت لانها عارفتها ومجربه التعامل معها وحابتها

على انه موب ضروري تكون البنت قبل الزواج مثل بعد الزواج لأن تغير الحياة بعد الزواج تأثر على البنت وتتغير وأنا أولهم

ويمكن بعد ماتتغير وتظل مثل ماكانت وأحسن

قلها انك ودك بوحده غيرها وان كان هي أصرت على رايها قلها ان أخذت البنت فهو عشانها وان خاطرك بوحده غيرها وماودك تظلم البنت معاك

وان مارضت وفكرت بالموافقه على انك تخطب هالبنت فتأكد ان الخيره في زواجك منها وان الوالده كانت على حق في اصرارها عليها

والله يكتب لك الي فيه الخير ويرزقك بالزوجه الي تسعدك وتهنيك وتسعدها وتهنيها دنيا وآخره