صراحة مش مستاهلة تزعلي انا حقلك عن قصتي وطريقة تفكيري وازا عملتي زيي حترتاحي كتير

وتحسي بالثقة اكتر

انا لما خطبني زوجي كان حاببني ورايدني من بين كل البنات

وهوة عريس لقطة ماشاءالله الافضل في كل العائلة والعين عليه

وفي العيلة داخل البلد مافي صبايا كتير

كان في قريبة الو لكن زي الاخت الو وعلاقته باهلها كانت اقوى من علاقة الاهل

المهم انو باقي الاقارب كانو يقولو الو اخطب فلانة ليش متخطب فلانة

وهوة ماكان مقتنع بيها كزوجة ولا يعتبرها او يراها الا اخت مثل خواته

خاصة انها اكبر منه بسنتان

المهم لما اتت امه لخطبتي من باب الفخر بابنها قالت والله كانو حاطين عينهم عليه وقولو اخطب فلانة

ذلك كان ردا على امي حيث قالت بنتي كتير خطبوها

فيعني امي كانت بتقول هيك من باب انو بنتي غالية فحماتي ردت هيك كمان ههههه حكي نسوان

المهم خطبت وانبسطت وسارت الامور
على افضل مايرام

لكن كنت غيرانة من هاي البنت رغم انو خطيبي زوجي حاليا كان وقتها صريح وواضح ولما افتح الموضوع

بقلي هاي زي اختي تماما لاتحطي في بالك تكونيش هبلة

يعني وكنت انقهر ولما حد يجيب سيرتها انقهر

ولما احكي عنها قدام ماما اعيب عليها واقول مين فاكرة نفسها زوجي مافكر يخطبها اكيد هية حاطة عينها عليه

!!!

رغم انو البنت تتعامل معو كالاخ تمااااااااااما

شفتي صغرة العقل شو بتعمل

مرت الايام تزوجت وسافرت لزوجي

وكان زوجي لما يكلم اهلها يسلم عليها لانها فعلا اخته هية واخواتها الباقيات

كان قد مر بظروف جعلته في وقت ما اغلب الوقت عندهم

المهم انا كنت انغاظ وحالتي تصير حالة

بالاخر استهبلت نفسي وقلت

ايش الهبل هادا

المهم اخدت ايميلها وصادقتها وتبين انو البنت بتحبني جدا وانو كان عندها رغبة من وقت الخطبة تصادقني

لكن كانت خايفة اصدها او اطنشها

والبنت طلعت زي العسل ومسكينة وكويسة وطيبة وبتحبني جدااااااا

وبايام قليلة صرنا صديقات وصارت تقلي اخص اسرارها الخاصة واشيائها الشخصية جداااااااا

واكتشفت مع الوقت انو عمرها ماكانت حاطة عينها عزوجي

ولاتفكر في باي شكل من الاشكال

كانت دوما تقلو يلا تزوج ريحنا منك

كما قالت لي انها كانت على ارتباط مع شخص اخر

شوفي كيف كل هادا؟؟؟

الحمدلله مخي كبر بسرعة واصلا قلت حتى لو الكل كان يشاور عليها ويقول اخطب فلانة

لي الفخر ومعتزة بنفسي

زوجي ماعجبتو ولا وحدة

ورغم انها قدامو طول الوقت مافكر فيها

ورغم الالحاح انو يخطبها مافكر فيها

بالنهاية مافكر الا فية انا

يعني بالنهاية فكري انو كانت موجودة قدامو لو عاجباه ليش يجي يخطبك انتي؟؟؟

انا هيك فكرت انو ماحد حظى بقلب زوجي الا انا

وانو خطبني انا وحبني انا وعشقني انا

ومن بعد هيك مافي شي مهم

يعني كانو يحكولو اخطب فلانة ميحكو حكي الناس مابيخلص

مع ملاحظة انو هالفلانة ماسالت عن الموضوع ولا كان في بالها

يعني مافي اي خوف

وصرنا خوات وبتحبني وبتقلي كل اسرارها الخاصة

كبري عقلك وماتخلي زوجك يلتفت الها

وتاكدي لو زوجك هالبنت عاجباه ماااااااكااااااااااااااااااااان خطبك انت

لشو يخطبك ازا كان في وحدة قدامه؟؟؟منطق ولا لأ؟؟؟

انسي الموضوع من اساسه

وحطي في بالك انو زوجك ترك كل البنات وخطبك وحبك انت بس وبس انت

هادا عين العقل

ملاحظة هااااامة

حتى لو كل مخاوفك هاي غير موجودة اقصد حتى لو كل هالحكي مافي منو قصة القريبة اياها الي كانو

بيحكو اخطبها

مافي داعي تتقطعي من الغيرة

يعني لما زوجك يكلم قريبته باحترام وادب كيفك يافلانة الف مبارك عقبال الجامعة

حكي عادي بادب بدون مزح او مياصة او مياعة

مافي اي شي

مجاملة وصلة رحم


مابظن انو من المنطق مايباركلها

ماقلت عادي يكونو فري

لالالا مرفوض اكيد

لكن انو يباركلها بشكل محترم ومؤدب مافي غلط

واحمدي الله زوجك صريحة وواضح و محترم

لاتلفتي نظرو لاي وحدة غيرك

الرجال لو ضيلتك تزني وتقولي ايش فيه بينك وبين فلانة اه اكيد حب اكيد اعجاب

اكيد اكيد اكيد.......

بالاخر حيقول دخيل الله مرتي نازلة شك وغيرة من شو ؟؟؟ايش فيها البنت هاي

وحيبدا يلتفت الها ليكتشف سبب غيرتك

وممكن وقتها تصير مشكلة

__________________