اقتباس:
المشاركة الأصلية كتبت بواسطة apple-green
اسمحيلي اختي ولاتزعلين انا اول ماقريت موضوعك حسبت شهادتك ماجستيير او دكتوراه ماتوقعت ثانوي ؟؟؟
ياعزيزتي انا جامعيه وزوجي شهادته متوسطه ولايعرف ولاشي بعالم النت والحمدلله حياتي احلى حياة ولو يرجع بي العمر ويتقدمللي دكتور ماراح اختار غير زوجي يسوى عندي كل الدكاتره....
عمر النت ماكان يحدد مستوى الثقافه وعمر الثقافه ماكانت بالتعليم ... اجدادنا اول ماحملوا شهادات وكانوا من احسن المتحدثين وللحين السوالف والقعده معهم تسوى الف متعلم ....
بعدين لاتعفين امك من الغلط عشان تبررين موقفها وخوفها عليكي هم كانوا لازم يقولونلك وهذا من حقك عليهم عشان توافقين او ترفضين قبل لاتملكين....
تتخيلي جاكي واحد عنده دكتوراه او ماجستير واستحقر مدى ثقافتك عشان تعليمك ثانوي وش تتوقعين موقفك ؟؟؟؟ وله بترفضينه عشان مستوى ثقافته اعلى منك ؟؟؟؟
وبالنسبه للمزحه اللي قالها انك تعرفين واحد زي طاش ماطاش فهي ماتتعجى مزحه لانه لوكان جد ماكان صرح فيه قدامك بعد زواجكم ان شاء الله ممكن تدخلينه عالم النت وتحاولين انك تعلمينه وافق كان بها ماوافق ماانتهى العالم عشان زوجك مايعرف للنت ؟؟؟؟
اكرر لاتزعلين مني بس من جد حرام تضيعي واحد كل اهلك سالوا عنه ومدحوه عشان سبب تافه .
|
يعطيك العافيه حبيبتي
قبل كل شي انتي عطيتني دافع قوي مدري ليه .. وبنفس الوقت ضحكيتيني يوم قلتي على بالي عندك شهاده ماجستير والا دكتوراه هههه .. لا معي الثانويه ولكن الحمدلله فاهمه وواعيه .. مافيه مقارنه بين الثانويه والابتدائيه .. اكيد الفرق كبير .. بعدين انا ماعترضت عليه لانه مايدخل عالم النت ولاهمني هالشي .. ولا اثر فيني انا كل الي اثر فيني اني اكتشفت انه تعليمه وثقافته محدوده .. اما سالفة لما سالني اذا تكلمين واحد وتحبينه المفروض مايسالني هالسؤال بليله حفلتي .. من جد ماعنده سالفه .. يعني من قلة السوالف .. بعدين التوافق الفكري ماهو شي تافه .. تعرفين احس اني بعيش معاه بدون تفاهم ,, اسوي الي علي كزوجه بس. اماا سوالف وضحك وهالحركات احس مافيه .. وانا هالحياه ابد ماتمنيتها .. : (
بس اسمع لغيري سواه انتو ا او احد من قرايبي ارتاح شوي مجرد مااجلس لوحدي يجيني اكتئاب : (
.. وابد مازعلت ولا شي .. يعطيك العافيه حبيبتي