السلام عليكم ورحمة الله

أختي انا شايفه انك مقتنعه بيه وهو انسب واحد ليكي على حد كلامك ولكن موضوعك يختلف عن اي زواج عادي لأن في اشياء كثيره لازم تتحدد قبل كل شيئ اولا كلميه عن زواجه الاول ايه السبب وراء الطلاق وطريقة حياتهم والتعامل بينهم والحياه كلها وايه اللي كان عاجبه في زوجته الاولى وايه اللي مش عاجبه حتى علشان تستفيدي انتي وتعرفي ايه اللي بيحبه وايه اللي مبيحبوش واسأليه عن حدود كلامه وعلاقته الان مع طليقته

ومن وجهة نظري الشخصيه انا احترمت فيه انه ما زال يتعامل مع ام اولاده حتى بعد الانفصال لان معناها انه بيحب اولاده ويهتم بيهم اكتر من حبه لنفسه ولازم يكون في اتصال بالام من اجل ابناؤه ولكن طبعا بحدود انتي اللي تقرريها وانا شايفه ان فكرة الماسيج فكره حلوه جدا لان لاهو بيسمع صوتها ولا هي بتسمع صوته والاهم من كل ده انك تتأكدي انهم مستحيل انهم يرجعوا لبعض وبالنسبه لاولاده انتي مش هتتحملي مسؤوليتهم لان امهم موجوده ولكن اليومين اللي يكونوا معاكو فيهم حبيهم واهتمي بيهم لاقصى درجه وصدقيني انتي هتكوني سعيده بيهم لانهم جزء كبير من زوجك وهتكوني سعيده لما تشوفيهم بيحبوكي وبيفرحو لما بييجو عندكم ولكن قبل كل شيئ لازم قبل الزواج تعوديهم عليكي وحببيهم فيكي حاولي ولازم هو يفهمهم انكوا هتتجوزوا ويقربهم منك.

اما بالنسبه انك هتكوني زوجه ثانيه فاطمئني لو بيحبك بجد هيفرح بيكي ولما يخلف منك كأنك اول زواج وربنا يوفقك فكري ولو هو زي ما بتقولي متضيعيش الفرصه من ايدك.